TELANGANA CONGRESS SCHEMES: తెలంగాణలో కాంగ్రెస్ పథకాల ప్రకటనలతో దూసుకుపోతుంది. విజయభేరి సభలో ఆరు గ్యారంటీలను ప్రకటించిన తెలంగాణ కాంగ్రెస్ మరో అద్భుత పథకంపై కసరత్తు చేస్తోంది. ప్రస్తుత ప్రభుత్వంలోని కళ్యాణ లక్ష్మీ, షాదీ ముబారక్ వంటి పథకాలకు ధీటుగా కాంగ్రెస్ పార్టీ పథకాన్ని రూపొందించాలని ప్రయత్నం చేస్తోంది.
టిపిసిసి మేనిఫెస్టో కమిటీ చైర్మన్ శ్రీధర్ బాబుతో ఎమ్మెల్సీ జీవన్ రెడ్డి భేటీ అయ్యి ఈ అంశాన్ని చర్చించారు. ఆడపిల్లల పెళ్లికి అండగా నిలవాలనే ఆలోచనతో పెళ్లికి లక్ష రూపాయల నగదుతో పాటు, పసుపు కుంకుమల కింద తులం బంగారం ఇచ్చే ఆలోచన చేయాలని మేనిఫెస్టో కమిటీకి జీవన్ రెడ్డి ప్రతిపాదించారు.
కర్ణాటక ఫలితాల తర్వాత కాంగ్రెస్ పార్టీ దూకుడుగా వ్యవహరిస్తోంది. తుక్కూడ విజయభేరి సభలో ఆరు గ్యారంటీలు ప్రకటించి తెలంగాణలో అధికారంపై పాగా వేసింది. ఈ ఆరు గ్యారంటీలతో పాటు తెరపైకి మరో పథకాలోచనతో క్యాడర్లో, ఓటర్లలో నూతనోత్సాహాన్ని నింపుతున్నారు.
గత రెండు ఎన్నికల్లో ఓటమి తర్వాత ఈ సారి ప్రాపర్ హోమ్ వర్క్ చేస్తూ చేరికలతో ముందుకు పోతుందా లేదా అనేది ఎన్నికల వరకు వేచి చూడాల్సిందే.