రాజ్ భవన్‌లో ఇవాళ ప్రమాణస్వీకారం జరిగే అవకాశం ఉంది. సాయంత్రం సీఎంతోపాటు మరొకరు ప్రమాణస్వీకారం చేస్తారని సమాచారం. అందుకు తగ్గట్లు రాజ్ భవన్‌లో ఏర్పాట్లు చేస్తున్నట్టు తెలుస్తోంది. కాసేపట్లో సీఎల్పీ సమావేశం ప్రారంభం కానుంది . సీఎల్పీ సమావేశం ముగిసిన వెంటనే తీర్మానం కాపీని రాజ్ భవన్‌కు పంపించనున్నారు.
తెలంగాణ ఎన్నికల్లో విజయకేతనం ఎగురవేసిన కాంగ్రెస్ ప్రభుత్వ ఏర్పాటు కోసం కసరత్తులు మొదలుపెట్టింది. సీఎల్పీ భేటీ కానున్నారు. ఎన్నికైన ఎమ్మెల్యేలంతా మీటింగ్ జరిగే ఎల్లా హోటల్‌ దగ్గరకు చేరుకుంటున్నారు. సీఎల్పీ సమావేశంలో తమ నాయకుడ్ని ఎన్నుకుంటారు. పార్టీ బాధ్యతలను భుజాన వేసుకుని.. అన్నీ తానై కాంగ్రెస్ పార్టీని గెలిపించిన రేవంత్‌రెడ్డి ముఖ్యమంత్రి కావాలంటూ… నూతన ఎమ్మెల్యేలు సమిష్టిగా కోరుకుంటున్నారు . కష్టకాలంలో ఉన్నప్పుడు పార్టీని ఆదుకున్న రేవంత్‌ కంటే… అర్హుడైన నేత ఎవరు ఉన్నారని వారంతా ముక్తకంఠంతో చెబుతున్నారు.
టీపీసీసీ చీఫ్‌ రేవంత్‌రెడ్డి, డీకే శివకుమార్, మాణిక్ రావు ఠాక్రే రాజ్‌భవన్‌ వెళ్లి.. నిన్న గవర్నర్ తమిళిసైని కలిసి ప్రభుత్వ ఏర్పాటుకు ఆహ్వానించాల్సిది కోరారు. కాంగ్రెస్ విజేతల జాబితాను గవర్నర్‌కు ఇచ్చారు.
Share
Telangana Congress : జనం మనసు గెలిచి.. జయపతాక ఎగరేసి..
Renu Desai Birthday : బద్రి బ్యూటీ.. బర్త్ డే స్పెషల్..
