Revanth Reddy : గ్రూప్-2 అభ్యర్థి ప్రవళిక ఆత్మహత్యపై బీఆర్ఎస్‌ నేతలు స్పందించకపోవడంపై ఫైర్ అయ్యారు టీపీసీసీ చీఫ్‌ రేవంత్ రెడ్డి. బతుకమ్మ సంబరాల గురించి రంగురంగుల వీడియోలు పెట్టే ఎమ్మెల్సీ కవితకు.. గ్రూప్ పరీక్షల నిర్వహణ అవకతవకల కారణంగా ఆత్మహత్య చేసుకున్న ప్రవళిక ఆత్మ ఘోష వినబడటం లేదా? అంటూ ప్రశ్నించారు . ఆడబిడ్డల హక్కులు రాజకీయ అంగడి సరుకే తప్ప… మానవీయ ఎజెండాలు కాదన్నారు.

ప్రవళిక ఆత్మహత్యపై కాంగ్రెస్ అగ్రనేత రాహుల్ గాంధీ స్పందించారు. ఇది ఆత్మహత్య కాదు.. యువత కలలు, వారి ఆశలు, ఆశయాల హత్య అంటూ ఆయన ట్వీట్ చేశారు. నిరుద్యోగంతో తెలంగాణ యువత ఇబ్బందులు పడుతుందని.. గత పదేళ్లలో BJP, BRS తమ అసమర్థతతో రాష్ట్రాన్ని నాశనం చేశాయన్నారు. కాంగ్రెస్ ప్రభుత్వం అధికారంలోకి రాగానే ఉద్యోగాల క్యాలెండర్ విడుదల చేస్తుందని.. ఒక నెలలో UPSC తరహాలో TSPSCని పునర్వ్యవస్థీకరిస్తుందన్నారు. అంతేకాదు ఒక ఏడాదిలో ఖాళీగా ఉన్న 2 లక్షల ప్రభుత్వ పోస్టులను కాంగ్రెస్ భర్తీ చేస్తుంది.. ఇది తమ హామీ అన్నారు రాహుల్ గాంధీ.

Share

• 
• 
• 
• 
• 
•