Rahul Gandhi Tweet : తెలంగాణలో కులగణనకు ఏర్పాట్లు జరుగుతుండడం పట్ల కాంగ్రెస్ అగ్రనేత రాహుల్ గాంధీ స్పందించారు. ట్విట్టర్ వేదికగా తన ఆనందాన్ని వ్యక్తం చేశారు. ఏ సమాజానికైనా సామాజిక, ఆర్థిక ఆరోగ్యం తెలియకుండా దానికి సరైన ప్రణాళికలు రూపొందించడం అసాధ్యమని పేర్కొన్న రాహుల్.. తెలంగాణలో కులగణన చేయడం అణగారిన వర్గాల న్యాయానికి తొలి మెట్టుగా అభివర్ణించారు. దేశ అభివృద్ధిలో ప్రతి వర్గానికి సమానమైన భాగస్వామ్యం ఉండేలా చేయడానికి కుల గణన ఒక్కటే మార్గమని రాహుల్ తెలిపారు. అంతే కాదు న్యాయం దిశగా తొలి అడుగు వేసినందుకు ముఖ్యమంత్రి రేవంత్ రెడ్డితోపాటు తెలంగాణ ప్రభుత్వానికి అభినందనలు తెలియజేశారు.