Ice Cream: చల్లగా ఉందని తింటే తంటే. చూట్టానికి ఐస్ క్రీమ్ లానే ఉంటుంది. తింటే కూడా ఐస్ క్రీమ్ టేస్టే ఉంటుంది. కాస్త రేట్ తక్కువ కూడా. అలాగని తిన్నారో.. ఇక హాస్పిటల్లో పడాల్సిందే. కంత్రీగాళ్లు కల్తీ ఐస్ క్రీమ్ తయారు చేసి.. ప్రజల ప్రాణాలతో చెలగాటమాడుతున్నారు. మండుతున్న ఎండలను.. బాగా క్యాష్ చేసుకుంటున్నారు. సిటీ పబ్లిక్కు.. ఐస్ క్రీమ్ గురించి బాగా ఐడియా ఉంటుంది కాబట్టి.. నగరం బయట మాత్రమే అమ్ముతున్నారు. కెమికల్స్ మిక్స్ చేసి.. ఐస్ క్రీమ్లా తయారుచేసి.. అంగట్లో అడ్డగోలుగా బిజినెస్ చేస్తున్నారు. అలాంటి మరో ముఠాను పోలీసులు పట్టుకున్నారు.
రంగారెడ్డి జిల్లా కాటేదాన్లో కల్తీ ఐస్ క్రీమ్ ముఠాను గుట్టు రట్టు చేశారు సైబరాబాద్ ఎస్ఓటీ పోలీసులు. డబ్బు సంపాదనే ధ్యేయంగా.. ప్రమాదకరమైన రసాయనాలతో ఐస్ క్రీమ్ లు తయారుచేస్తూ పిల్లల ఆరోగ్యంతో ఆటలాడుతున్నారు కేటుగాళ్లు.
అనుమతులు లేకుండానే ఐస్ క్రీమ్ కంపెనీ ఏర్పాటు చేసి.. నిబంధనలకు విరుద్ధంగా దర్జగా కల్తీ ఐస్ క్రీమ్లు తయారు చేస్తున్నారు. గ్రామీణ ప్రాంత పిల్లలే టార్గెట్గా.. ప్రమాదకరమైన రసాయనాలతో తయారు చేసిన ఐస్ క్రీమ్లు అమ్ముతూ సొమ్ము చేసుకుంటున్నారు. ప్రజల ఆరోగ్యంతో చెలగాటమాడుతున్నారు.
నకిలీ ఐస్ క్రీమ్ల తయారీ గురించి తెలుసుకున్న సైబరాబాద్ ఎస్ఓటీ పోలీసులు.. ఆ కంపెనీపై రైడ్ చేశారు. నిందితుల్లో ఒకరిని అరెస్ట్ చేశారు. భారీ ఎత్తున ఐస్క్రీమ్ తయారీ పదార్థాలను, రసాయనాలను సీజ్ చేశారు.