Pawan Kalyan: ఎవరన్నారు పవన్ కల్యాణ్ రాజకీయాలకు పనికిరాడని? ఎవరన్నారు కల్యాణ్ కి కమిట్ మెంట్ లేదని? ఎవరన్నారు జనసేనాని జనంలో ఉండరని? ఎవరన్నారు పాలిటిక్స్ పార్ట్ టైమని? వారందరి నోళ్లు మూయించేలా.. జనం కోసం.. జనంలోకి వస్తున్నారు పవన్ కల్యాణ్. బస్సు యాత్రతో ఏపీలో ప్రభంజనం సృష్టించేందుకు తరలివస్తున్నారు.

జనసేనాని బస్సుయాత్ర అంటే ఏర్పాట్లు మామూలుగా ఉంటాయా? పవర్ స్టార్ రేంజ్ కి తగ్గట్టు ఏ బెంజ్ బస్సులోనో యాత్ర చేస్తారనుకున్నారు కొందరు. అలా అయితే ఆయన జనసేనాని ఎందుకవుతారు. అత్యంత సాదాసీదాగా.. ప్రజలకు మరింత దగ్గరయ్యేలా.. ప్రత్యేక బస్సు రెడీ చేయిస్తున్నారు.

అచ్చం.. అలనాటి అన్నగారి చైతన్యరథాన్ని పోలి ఉండేలా బస్సును తీర్చిదిద్దుతున్నారు. బస్సులోనే బస చేసేలా.. బస్సు మీదనుంచి ప్రసంగించేలా.. అన్ని వసతులతో డిజైన్ చేస్తున్నారు. ఎక్కడా హైటెక్ హంగులకు వెళ్లకుండా.. సింపుల్ గా బస్సును తయారు చేయిస్తున్నారు.

గతంలో పెద్ద ఎన్టీఆర్ చైతన్య రథంపై ఆంధ్ర దేశాన్ని సుడిగాలిలా చుట్టేసి.. పార్టీ పెట్టిన 8 నెలల్లోనే అధికారంలోకి రాగలిగారు. అన్నగారే స్పూర్తిగా.. చైతన్యరథాన్ని పోలి ఉండేలా.. పవన్ కల్యాణ్ సైతం అలాంటి భారీ వాహనాన్నే సెలెక్ట్ చేసుకున్నారు. ఆ వాహనానికి సైతం చైతన్యరథం మాదిరే మిలట్రీ గ్రీన్ కలర్ వేశారు. ఆ వెహికల్ కలర్ ని చూడగానే.. దేశభక్తి రగిలేలా.. రెడీ చేస్తున్నారు.

హైదరాబాద్ లోని ఓ గ్యారేజీలో పవన్ కోసం వేగంగా ముస్తాబవుతోంది ఆ బస్. మరి, తన ప్రచార రథానికి జనసేనాని ఏం పేరు పెడతారో..?

Share

• 
• 
• 
• 
• 
•