Costliest Car: అది మామూలు కారు కాదు. ఇండియాలోకే ఖరీదైన సూపర్ కార్. ఈ మధ్యనే రిలీజ్ చేశారు. ఇప్పటి వరకు రెండంటే రెండే అమ్ముడుపోయాయి. అందులో ఒకటి మన హైదరాబాదీనే కొన్నారు.
కారు పేరు.. మెక్ లారెన్ 765 ఎల్ టీ స్పెడర్. ఖరీదు 12 కోట్లు. 4.0 లీటర్ ట్విన్ టర్బోచార్జ్డ్ వీ8 పెట్రోల్ ఇంజిన్ దీని సొంతం. కారు కన్వర్టిబుల్ పైకప్పు కేవలం 11 సెకన్లలో తెరుచుకుంటుంది. రోడ్లపై రాకెట్ లా దూసుకుపోతుంది.
ముంబైలోని మెక్ లారెన్ షోరూంలో రీసెంట్ గా లాంచ్ చేశారు. ఫస్ట్ కారును హైదరాబాద్ కు చెందిన ప్రముఖ వ్యాపారవేత్త నసీర్ ఖాన్ కొన్నారు. నసీర్ దగ్గర ఇప్పటికే లంబోర్ఘిని, రోల్స్ రాయిస్, ఫెరారీ, బెంజ్ కార్లు ఉన్నాయి. ఇప్పుడు కొత్తగా మెక్ లారెన్ ను సొంతం చేసుకున్నారు.
ప్యాలెస్ ముందు కారును నిలిపి.. దర్జాగా ఫోటోలు దిగారు నసీర్ ఖాన్. ఆ పిక్స్ ను సోషల్ మీడియాలో పోస్ట్ చేయడంతో.. అవి ట్రెండింగ్ అవుతున్నాయి. మెక్ లారెన్ కారు గురించి.. బిజినెస్ మేన్ నసీర్ ఖాన్ గురించి.. తెగ గూగుల్ చేస్తున్నారు. అతని గ్యారేజ్ లో ఉన్న కార్ కలెక్షన్ చూసి షాక్ అవుతున్నారు. హైదరాబాద్ లో ఇలాంటి సంపన్నులు ఇంకెంతమంది ఉన్నారో?