CM Revanthreddy : ఇటీవల జరిగిన తెలంగాణ అసెంబ్లీ ఎన్నికలలో కాంగ్రెస్ పార్టీ విజయం సాధించింది. డిసెంబర్ 7న సీఎంతోపాటు కాంగ్రెస్ పార్టీ మంత్రులు ప్రమాణస్వీకారం చేశారు. తెలంగాణ సీఎంగా రేవంత్ రెడ్డి పదవీ బాధ్యతలు స్వీకరించారు. అప్పటి కొత్త సీఎంకి వివిధ రంగాల ప్రముఖులు అభినందనలు తెలియజేస్తున్నారు. వచ్చి ఆయనను కలుస్తున్నారు. శుభాకాంక్షలు చెబుతున్నారు.

సీఎం రేవంత్ రెడ్డికి చాలా మంది సెలబ్రిటీలు సోషల్ మీడియా వేదికగా శుభాకాంక్షలు తెలిపారు. టాలీవుడ్ నుంచి మెగాస్టార్ చిరంజీవి స్వయంగా సీఎం ఇంటికి వెళ్లి ఆయనను అభినందించారు. చిరంజీవి తర్వాత కింగ్ నాగార్జున తన భార్య అమలతో కలిసి సీఎంని కలిశారు.

జూబిలీహిల్స్ లోని సీఎం నివాసంలో నాగార్జున దంపతులు సీఎం రేవంత్ రెడ్డిని మర్యాదపూర్వకంగా కలిసి పుష్పగుచ్ఛం ఇచ్చి అభినందనలు తెలియజేశారు . దీనికి సంబంధించిన ఫోటోలు, వీడియోలు వైరల్ అవుతున్నాయి. ఇలా ప్రముఖులు ఒక్కొక్కరుగా వీలు చూసుకుని సీఎంను కలిసి అభినందనలు తెలుపుతున్నారు.

Share

• 
• 
• 
• 
• 
•