Munugodu Counting : మునుగోడు ఉపఎన్నిక కౌంటింగ్ ప్రారంభమైంది. నల్లగొండ అర్జాలబావిలోని వేర్హౌస్ కార్పొరేషన్ గోడౌన్లో కౌంటింగ్ కేంద్రంలో మొదట పోస్టల్ బ్యాలెట్ల ఓట్లు లెక్కిస్తున్నారు. కౌంటింగ్ కోసం 21 టేబుల్స్ ఏర్పాటు చేశారు.
మొత్తం 15 రౌండ్లలో కౌంటింగ్ పూర్తవుతుంది. ఒక్కో రౌండ్లో 21 పోలింగ్ కేంద్రాల ఓట్ల లెక్కింపు జరగనుంది. చౌటుప్పల్ తర్వాత తర్వాత సంస్థాన్ నారాయణపూర్ మండలంలో కౌంటింగ్ జరగనుంది. ఈ మండలంలో 58 బూత్ల ఓట్లు లెక్కింపు ఒకే రౌండ్లో పూర్తి కానుంది. మునుగోడు మండలంలో 44 బూత్ల ఓట్ల లెక్కింపు 2 రౌండ్లలో ముగియనుంది. ఆ తర్వాత చండూరు మండంలోని 40 బూత్ల ఓట్ల లెక్కింపు 2 రౌండ్లలో పూర్తవుతుంది. మర్రిగూడ మండలంలోని 33, నాంపల్లి మండలంలోని 43, గట్టుప్పల్ మండలంలో 16 బూత్ల కౌంటింగ్ 5 రౌండ్లలో ముగియనుంది. మధ్యాహ్నం ఒంటి గంట కల్లా తుది ఫలితం వచ్చే అవకాశం ఉంది.
మొదటి రౌండ్ ఫలితం ఉదయం 9 గంటలకు..చివరి రౌండ్ ఫలితం మధ్యాహ్నం 1 గంట వరకు ప్రకటించనున్నారు. కౌంటింగ్లో పాల్గొనే సిబ్బందికి మూడు దఫాలుగా శిక్షణ ఇచ్చారు. ఒక్కో టేబుల్కు కౌంటింగ్ సూపర్వైజర్, అసిస్టెంట్ సూపర్వైజర్, మైక్రో అబ్జర్వర్లను నియమించారు.కౌంటింగ్ కేంద్రం వద్ద మూడంచెల భద్రత ఏర్పాటు చేశారు. కౌంటింగ్ కోసం ప్రతి పార్టీ నుంచి 21 మంది ఏజెంట్లను నియమించారు.