Minister: తెలంగాణలో మహిళా క్రీడాకారులపై లైంగిక వేధింపుల పరంపర కొనసాగుతోంది. మంత్రి శ్రీనివాస్ గౌడ్ పేషీలో పనిచేస్తున్న ఉద్యోగి నిర్వాకం బయటపడింది.

మంత్రి సిఫారసుతో ఓ యువతికి సీటు ఇప్పించారు. అదే అలుసుగా తీసుకుని.. మంత్రి పేషీలోని అధికారి.. ఆ యువతిని వేధించడం స్టార్ట్ చేశారు. అసభ్యంగా చాటింగ్ చేస్తున్నాడు. నీ వయసు ఎంత? కలవాలి.. మాట్లాడాలి.. అంటూ మంత్రి పేషీ ఉద్యోగి వేధించాడు.

విషయాన్ని తన సమీప బంధువుకు చెప్పింది ఆ క్రీడాకారిణి. దీంతో అతను నేరుగా ఆ ఉద్యోగికే ఫోన్ చేసి గట్టిగా మాట్లాడాడు. ఆ ఆడియో ఇప్పుడు సోషల్ మీడియాలో వైరల్ అవుతోంది.

మొదట ఏ మెసేజ్.. ఏమో అంటూ ఆ ఉద్యోగి బుకాయించే ప్రయత్నం చేశాడు. యువతి బంధువు గట్టిగా నిలదీసి మంత్రికి చెబుతానని బెదిరించడంతో.. కాళ్ల బేరానికి వచ్చాడు. సారీ..సారీ.. ఎవరికీ చెప్పొద్దు అంటూ రిక్వెస్టు చేశాడు.

ఆ యువతితోనే కాకుండా మరో ఇద్దరు ముగ్గురు క్రీడాకారిణిలనూ ఆ ఉద్యోగి అలానే వేధిస్తున్నాడని తెలుస్తోంది. ఇలా మంత్రి దగ్గర ఉండే అధికారులే కీచకులుగా మారి క్రీడాకారిణిలను వేధించడంపై తీవ్ర విమర్శలు వస్తున్నాయి.

Share

• 
• 
• 
• 
• 
•