Medak EX MLA Driver Commits Suicide: కుటుంబ కలహాలతో మాజీ ఎమ్మెల్యే కారు డ్రైవర్ ఉరి వేసుకొని ఆత్మహత్యకు పాల్పడ్డాడు. ఈ ఘటన మెదక్ పట్టణంలో ఆలస్యంగా వెలుగులోకి వచ్చింది. స్థానికులు తెలిపిన వివరాల ప్రకారం.. చిన్న శంకరం పేట మండలం గవ్వల పల్లికి చెందిన శివ రాములు (42) మెదక్ మాజీ ఎమ్మెల్యే పద్మా దేవేందర్ రెడ్డి వద్ద డ్రైవర్‌గా పని చేశాడు.

Read More: నగరంలో కలకలం.. ప్రాణం తీసిన పంటి వైద్యం..

రాములు తన భార్య, ఇద్దరు పిల్లలతో కలిసి మెదక్ పట్టణంలోని డబుల్ బెడ్ రూమ్ పిల్లి కొట్టాల్ వద్ద ఉంటున్నారు. ఫిబ్రవరి 18న భార్య భర్తల మధ్య ఘర్షణ చోటు చేసుకుంది. రాములు తన భార్య ఇంట్లో లేని సమయంలో గొడవ జరిగిన రాత్రి ఉరి వేసుకొని ఆత్మహత్య చేసుకున్నాడు. ఉదయం కుమారుడు లేచి చూసే సరికి ఫ్యాన్‌కు వేలాడుతున్న శివ రాములు మృతదేహం కనిపించింది.

వెంటనే పోలీస్‌లకు సమాచారం ఇవ్వడంతో ఘటనా స్థలానికి చేరుకొని పరిశీలించారు. మృతదేహాన్ని పోస్టుమార్టం నిమిత్తం మెదక్ ప్రభుత్వ ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేపట్టారు.

Share

• 
• 
• 
• 
• 
•