KAKA Death Anniversary : ఎంత సంపాదించామనేది కాదు.. సమాజానికి ఎంత పంచామనేది సామాజిక బాధ్యత అనేది కాకా విధానం అని సీఎం రేవంత్ రెడ్డి వ్యాఖ్యానించారు. బాగ్ లింగంపల్లిలోని బీఆర్ అంబేద్కర్ ఇనిస్టిట్యూషన్ లో గ్రాడ్యుయేషన్ డేకు సీఎం రేవంత్ రెడ్డి ముఖ్య అతిథిగా హాజరయ్యారు. ఎమ్మెల్యే వివేక్ వెంకటస్వామి, వినోద్ రేవంత్ కు ఘన స్వాగతం పలికారు.

అనంతరం కాలేజీలో కాకా విగ్రహాన్ని సీఎం రేవంత్ ఆవిష్కరించారు. కాకా వర్ధంతి సందర్భంగా ఆయన విగ్రహానికి పూలమాల వేసి సీఎం రేవంత్ నివాళి అర్పించారు. ఈ కార్యక్రమంలో అంబేద్కర్ ఇనిస్టిట్యూషన్ కరస్పాండెంట్ సరోజావివేక్, వంశీకృష్ణ, పలువురు అధికారులు పాల్గొన్నారు.

గత 50 ఏళ్లుగా ఎంతో మంది విద్యార్థులను తీర్చిదిద్దిన ఘనత కాకా సొంతం అని సీఎం చెప్పుకొచ్చారు. గడ్డం వివేక్, వినోద్ లను చూసినపుడు తనకు రామాయణంలో లవకుశులు గుర్తొస్తారని సీఎం రేవంత్ అన్నారు. దేశంలో గాంధీ కుటుంబంలా.. రాష్ట్రంలో కాకా కుటుంబం కాంగ్రెస్ కు అండగా ఉంటుంది.. రాష్ట్రంలో విద్యార్థుల ఉజ్వల భవిష్యత్ కు తమ ప్రభుత్వం అండగా ఉంటుందని సీఎం రేవంత్ రెడ్డి పేర్కొన్నారు.

Share

• 
• 
• 
• 
• 
•