Bandi Sanjay: బండి సంజయ్‌ని ఎలాగైనా లోపలేయాలని సర్కారు భావిస్తోంది. టెన్త్ మాల్‌ప్రాక్టీస్ కేసులో ఏ1గా చేర్చి.. అరెస్ట్ చేసి.. జైల్లో పెట్టింది. అయితే, ఒక్కరోజులోనే బెయిల్ తెచ్చుకుని బయటకు వచ్చేశారు బండి. వచ్చాక తగ్గేదేలే అంటూ మరింతగా ప్రభుత్వంపై పోరాడుతున్నారు. తనపై కేసు పెట్టిన చోటే.. వేలాది మందితో నిరుద్యోగ మార్చ్ నిర్వహించి.. సర్కారుకు సవాల్ విసిరారు. ప్రభుత్వంపై పదునైన విమర్శలు చేశారు. ఇగో హర్ట్ అయిందో ఏమో.. బండి సంజయ్‌కు ఇచ్చిన బెయిల్ రద్దు చేయాలంటూ హనుమకొండ కోర్టులో పిటిషన్ వేశారు పోలీసులు.

బండి సంజయ్ విచారణకు సహకరించట్లేదని.. ఆయన ఫోన్ ఇప్పటికీ ఇవ్వలేదని.. బెయిల్ నిబంధనలు ఉల్లంఘిస్తున్నారంటూ ప్రభుత్వ ప్రాసిక్యూటర్ వాదించారు. అయితే, ఈ వాదనను గట్టిగా వ్యతిరేకించారు డిఫెన్స్ లాయర్. కేవలం కుట్ర పూరితంగానే బండి సంజయ్‌పై కేసు పెట్టారని.. అందుకే బెయిల్ రద్దుకు సహేతుక కారణాలు లేవంటూ వాదనలు వినిపించారు. ఇరువర్గాల వాదనలు విన్న న్యాయస్థానం.. పోలీసులు దాఖలు చేసిన బండి సంజయ్ బెయిల్ రద్దు పిటిషన్‌ను తిరస్కరించింది.

Share

• 
• 
• 
• 
• 
•