దివ్యాంగురాలు రజినీకి ఇచ్చిన హామీని నెరవేర్చారు సీఎం రేవంత్ రెడ్డి. తెలంగాణ సీఎంగా ప్రమాణ స్వీకారం చేసిన రేవంత్ రెడ్డి అనంతరం రజినీకి ఉద్యోగం ఇచ్చారు. రజినీకి ఉద్యోగం ఇస్తూ రెండో ఫైల్ పై సంతకం చేశారు సీఎం. దివ్యాంగురాలు రజినీకి అగ్రికల్చర్ కార్పొరేషన్ లో కాంట్రాక్ట్ పద్ధతిలో ఉద్యోగం ఇచ్చారు. రాష్ట్ర సీడ్ అండ్ ఆర్గానిక్ సర్టిఫికేషన్ ఏజెన్సీలో ప్రాజెక్ట్ మేనేజర్ గా రజినీకి పోస్టింగ్ ఇచ్చారు.
దివ్యాంగురాలు రజినీ ఎంకామ్‌ చదివారు. 12 ఏళ్లుగా ఉద్యోగం కోసం ఎదురుచూస్తోంది. సెక్రటరియట్, కలెక్టరేట్లు తిరిగినా ఆత్మస్థైర్యాన్ని దెబ్బతీయడమే తప్ప ఎవరు పట్టించుకోలేదు. ఊహించని విధంగా తెలంగాణ నూతన సీఎం రేవంత్‌రెడ్డిని కలిసింది. అదీ.. గాంధీభవన్‌లో ఆయన PCC చీఫ్‌గా ఉన్నప్పుడు. తన పరిస్థితులు చెప్పుకుని కన్నీరుపెట్టుకుంది. అవన్నీ విన్న సీఎం రేవంత్‌రెడ్డి.. తాము అధికారంలోకి వస్తే ఉద్యోగం ఇస్తామని హామీ ఇచ్చారు. సీఎంగా ప్రమాణ స్వీకారం చేసిన రేవంత్ రెడ్డి రెండో సంతకం రజినీకి ఉద్యోగం ఇస్తున్న ఫైల్ పై చేశారు.
ఇక.. ఎల్బీ స్టేడియంలో నిర్వహించిన రేవంత్‌రెడ్డి ప్రమాణస్వీకారానికి సైతం రజినీకి ఆహ్వానాన్ని పంపించారు. ఊహించని పరిణామంతో దివ్యాంగురాలు రజినీ సంతోషం వ్యక్తం చేసింది. తనను రేవంత్‌రెడ్డి ఆదుకున్నారని ఆనందం వ్యక్తం చేసింది దివ్యాంగురాలు రజినీ.
Share
CM Revanth Reddy : నేడు విద్యుత్‌పై రివ్యూ..! ఆయననూ పిలవాలన్న సీఎం..
Brian Lara : సచిన్ 100 సెంచరీల రికార్డ్ .. కోహ్లీకి కష్టమే : లారా
