Nirmal : నిర్మల్ నియోజకవర్గంలో తాజా రాజకీయ పరిస్థితులు ఎలా ఉన్నాయో బిగ్ టీవీ సర్వే చేసింది. బీజేపీ బలం అనూహ్యంగా పెరిగిందని సర్వేలో తేలింది. ఈ నియోజకవర్గంలో 2, 47, 737 మంది ఓటర్లు ఉన్నారు. అందులో పురుష ఓటర్లు 1, 17, 563 మంది.. మహిళా ఓటర్లు 1, 29, 914 మంది ఉన్నారు. ప్రసుతం మంత్రి ఇంద్రకరణ్ రెడ్డి ఈ నియోజకవర్గానికి ప్రాతినిధ్యం వహిస్తున్నారు.

బిగ్ టీవీ సర్వే.. పందెం కోళ్లు-1 (26-09-23)..
అప్పుడు చేసిన సర్వేలో బీఆర్ఎస్, కాంగ్రెస్ మధ్య పోటీ హోరాహోరీగా ఉంటుందని తేలింది. బీఆర్ఎస్ అభ్యర్థి ఇంద్రకరణ్ రెడ్డికి 33 శాతం ఓట్లు, కాంగ్రెస్ నుంచి శ్రీహరిరావు బరిలోకి దిగితే ఆయనకు 32 శాతం ఓట్లు వస్తాయని వెల్లడైంది. బీజేపీకి 26 శాతం ఓట్లు పడతాయని వెల్లడైంది.

బిగ్ టీవీ సర్వే.. పందెం కోళ్లు-2 (03-11-23)..
లేటెస్ట్ సర్వేలో బీజేపీ అనూహ్యంగా పుంజుకుందని తేలింది. బీఆర్ఎస్ కు 31 శాతం, కాంగ్రెస్ కు 31 శాతం , బీజేపీకి 33 శాతం ఓట్లు పడతాయని సర్వే తెలిపింది.

లెక్కలు మారుతున్నాయ్..
సర్వే-1, సర్వే-2 లను పరిశీలిస్తే బీఆర్ఎస్ కు , కాంగ్రెస్ కు కొద్దిగా ఓట్ల తగ్గితే.. బీజేపీకి అనూహ్యంగా 7 శాతం ఓట్లు పెరుగుతాయని తేలింది.

మొత్తంమీద చూస్తే నిర్మల్ ఓటర్లు బీజేపీవైపు మొగ్గు చూపిస్తున్నట్లు కనిపిస్తోంది. బీజేపీ సంచలన విజయం సాధించే అవకాశం ఉందని సర్వే చెబుతోంది.

.

.

Share

• 
• 
• 
• 
• 
•