Hyderabad: చాలా మంది బాడీ ఫిట్నెస్ కోసం జిమ్లకు వెళ్తుంటారు. పొద్దుపొద్దున్నే జిమ్లకు వెళ్లి వ్యాయామం చేస్తుంటారు. జిమ్ యంత్రాలతో కుస్తీ పడుతుంటారు. కండలు పెంచుకోవడానికి బాగా కష్టపడుతుంటారు. అయితే జిమ్లకు వెళ్లే వారిని టార్గెట్గా చేసుకొని కొందరు కేటుగాళ్లు రెచ్చిపోతున్నారు. వేగంగా కండలు పెంచుకోవచ్చిన ఆశ చూపుతూ హార్మోన్ ఇంజక్షన్లు, టాబ్లెట్లను విక్రయిస్తున్నారు.
సనత్నగర్కు చెందిన ఓంప్రకాశ్, అంబర్పేటకు చెందిన సరోడ్ నరేశ్, సయ్యద్ ఫారూఖ్లు కలిసి ఈ దందా నిర్వహిస్తున్నారు. సయ్యద్ ఫారూఖ్ చాంద్రాయణగుట్టలో జిమ్ ట్రైనర్గా పనిచేస్తున్నాడు. ఓంప్రకాశ్ తక్కువ ధరకు విశాఖపట్నం నుంచి హార్మోన్ ఇంజక్షన్లు, టాబ్లెట్లను తీసుకొచ్చి నరేశ్ ద్వారా సయ్యద్ ఫారూఖ్కు అందజేస్తున్నాడు. అతను జిమ్కు వచ్చే వారికి విక్రయిస్తున్నాడు. ఇలా కొద్దిరోజులుగా వీరు ఈ దందా నిర్వహిస్తూ.. చాలా మందికి స్టెరాయిడ్స్ అందజేశారు.
అయితే పక్కా సమాచారం ప్రకారం పోలీసులు ఫారూఖ్ పనిచేస్తున్న జిమ్పై దాడి చేశారు. ఓంప్రకాశ్, నరేష్, షారూఖ్లను అరెస్ట్ చేశారు. వారి నుంచి 180 హార్మోన్ ఇంజక్షన్లు, 1100 టాబ్లెట్లను స్వాధీనం చేసుకున్నారు.