High Tension at Talakondapalli: రంగారెడ్డి జిల్లా తలకొండపల్లి సమీపంలో ఉద్రిక్త వాతావరణం నెలకొన్నది. సైబరాబాద్ సీపీ ఆఫీస్ వద్ద ఆందోళన చేపట్టిన సిద్దిపేట ఎమ్మెల్యే హరీశ్ రావుతోపాటు ఎమ్మెల్యేలు, ఎమ్మెల్సీలు, బీఆర్ఎస్ నేతలను పోలీసులు అరెస్ట్ చేసి తరలిస్తుండగా తలకొండపల్లి వద్ద బీఆర్ఎస్ కార్యకర్తలు అడ్డుకున్నారు. పెద్ద ఎత్తున నినాదాలు చేస్తూ బస్సును ముందుకు కదలనివ్వకపోవడంతో పోలీసులు వారిపై లాఠీఛార్జ్ చేశారు. అయినా కూడా బీఆర్ఎస్ కార్యకర్తలు అక్కడికి భారీగా చేరుకుని బస్సు ముందు బైఠాయించి ప్రభుత్వానికి వ్యతిరేకంగా నినాదాలు చేశారు. తమ నాయకులను వెంటనే వదిలేయాలంటూ డిమాండ్ చేశారు. ఈ క్రమంలో పోలీసులు, బీఆర్ఎస్ కార్యకర్తల మధ్య కొద్దిసేపు వాగ్వాదం జరిగింది. పోలీసులు వారిపై లాఠీఛార్జ్ చేశారు. దీంతో అక్కడ ఉద్రిక్త పరిస్థితులు నెలకొన్నాయి.
Also Read: బిగ్ బ్రేకింగ్ న్యూస్.. హరీశ్రావు అరెస్ట్.. ఏ కేసులో అంటే..?