Krishna: సూపర్ స్టార్ కృష్ణ ఆరోగ్యం అత్యంత క్లిష్టంగా ఉందని కాంటినెంటల్ హాస్పిటల్ వైద్యులు ప్రకటించారు. వచ్చే 24 గంటల్లో.. ఆయన పరిస్థితి ఏ గంటకు ఎలా ఉంటుందో చెప్పలేమన్నారు. లాస్ట్ వరకూ ప్రయత్నిస్తూనే ఉంటామని.. ఆయన ఆరోగ్యం మెరుగు అవ్వాలని అంతా ప్రార్థిద్దామని డాక్టర్లు అన్నారు. ప్రస్తుతం కృష్ణ వెంటిలేటర్ పై ఉన్నారని చెప్పారు.

గుండెపోటుతో, స్పృహ లేని పరిస్థితిలో ఆదివారం అర్థరాత్రి ఆసుపత్రికి తీసుకొచ్చారని.. వెంటనే సీపీఆర్ చేసి పరిస్థితిని నార్మలైజ్ చేశామని డాక్టర్స్ చెప్పారు. ప్రస్తుతం ఆయన కండిషన్ వెరీ సీరియస్ అని తేల్చేశారు. కృష్ణ కుటుంబ సభ్యులంతా హాస్పిటల్ లోనే ఉన్నారు.

డాక్టర్ల ప్రకటన ప్రకారం కృష్ణ ఆరోగ్య పరిస్థితి అసలేమాత్రం బాగా లేదని తెలుస్తోంది. ఈ వయసులో ఆయనకు గుండెపోటు రావడం వల్ల కోలుకోవడం కష్టమేనని వైద్య నిపుణులు చెబుతున్న మాట. దీంతో.. కృష్ణ పరిస్థితిపై ఆందోళన వ్యక్తం చేస్తున్నారు అభిమానులు.

Share

• 
• 
• 
• 
• 
•