Harish Rao : తెలంగాణ డీహెచ్ శ్రీనివాసరావుకు మంత్రి హరీష్‌రావు క్లాస్ తీసుకున్నారు. వివిధ కార్యక్రమాల్లో రాజకీయ ప్రకటనలు చేయడంపై ఆగ్రహం వ్యక్తం చేశారు. ఆదివారం సాయంత్రం శ్రీనివాసరావుకు ఫోన్‌ చేసిన మంత్రి హరీష్‌రావు… అధికారిగా ఉంటూ రాజకీయ ప్రకటనలు చేయడం ఏంటని ఫైరయ్యారు. ఇకపై ఇలాంటి ప్రకటనలు చేయడం మానుకోవాలని గట్టిగా హెచ్చరించారు.

కొత్తగూడెం నుంచి BRS ఎమ్మెల్యే టికెట్ ఆశించిన డీహెచ్‌ శ్రీనివాసరావు… ఇటీవల నిర్వహించిన వివిధ కార్యక్రమాల్లో రాజకీయ ప్రకటనలు చేస్తూ వస్తున్నారు. అంతేకాదు… వివాదాస్పద పూజలు, హోమాలతో వార్తల్లోకి కూడా ఎక్కారు. శ్రీనివాసరావు చర్యలపై ఇప్పటిదాకా స్పందించని ప్రభుత్వం… BRS అభ్యర్థుల జాబితా ప్రకటనకు ముందు క్లాస్‌ తీసుకోవడం చర్చనీయాంశంగా మారింది.

మొదటిసారి మాట్లాడినప్పుడే హెచ్చరించకుండా… ఇప్పుడు వార్నింగ్‌ ఇవ్వడమేంటనే చర్చ జరుగుతోంది. సీఎం కేసీఆర్‌ సూచనలతోనే మంత్రి హరీష్‌రావు… శ్రీనివాసరావుకు క్లాస్ తీసుకున్నట్లు చెబుతున్నారు. జలగం వెంకట్రావుకు కూడా ఫోన్‌ చేసిన మంత్రి హరీష్‌రావు… తాను ఉన్నానని, తర్వాత అన్నీ చూసుకుంటా అని సముదాయించారని తెలుస్తోంది. మరి కొత్తగూడెం టిక్కెట్ ఎవరికి దక్కుతుందో చూడాలి మరి.

Share

• 
• 
• 
• 
• 
•