Ambedkar statue: హైదరాబాద్ లోయర్ ట్యాంక్బండ్ ప్రాంతంలో అంబేద్కర్ విగ్రహం చుట్టూ ప్రహారీ గోడ కట్టడం వివాదానికి దారి తీసింది. దీనిపై జీహెచ్ఎంసీ వివరణ ఇచ్చింది. ట్యాంక్ బండ్పై ఉన్న అంబేద్కర్ విగ్రహంతోపాటు నగరంలోని వివిధ కూడళ్లను అభివృద్ధి చేస్తున్నామని తెలిపింది.
ఇంతకీ అసలేం జరిగింది?
జంక్షన్ సుందరీకరణ చేస్తోంది జీహెచ్ఎంసీ. ఇందులోభాగంగా మంగళవారం రాత్రి ట్యాంక్ బండ్ ప్రాంతంలో అంబేద్కర్ విగ్రహం ముందు కట్టిన ప్రహరీ గోడ కొందరు కూల్చివేశారు. ఈ వ్యవహారంపై దళిత సంఘాల నాయకులు మండిపడ్డారు.
అర్ధరాత్రి విగ్రహం వద్దకు చేరుకుని ఆందోళనకు దిగారు. నిర్మించిన గోడను కూల్చివేశారు. విగ్రహం వద్ద ఆందోళన చేస్తున్న దళిత సంఘాల నేతలను అరెస్ట్ చేశారు పోలీసులు. ఈ వ్యవహారం ఆలస్యంగా వెలుగులోకి వచ్చింది.
దీనిపై జీహెచ్ఎంసీ క్లారిఫికేషన్ ఇచ్చుకుంది. అంబేద్కర్ విగ్రహం చుట్టూ గోడ కాదని, అభివృద్ధి చేస్తున్నామని ఎక్స్లో తెలిపింది. పార్లమెంట్ నమూనాలో అంబేద్కర్ విగ్రహం చుట్టూ అభివృద్ధి పనులను చేపట్టామని వెల్లడించింది జీహెచ్ఎంసీ. ఇదేకాకుండా నగరంలో పలు జంక్షన్ల వద్దనున్న విగ్రహాల చుట్టూ అభివృద్ధి చేస్తున్నట్టు తెలిపింది.