Gas Cylinder Blast : సిలిండర్ పేలి ఒక మహిళ సజీవదహనమైంది. ఈ దారుణం నిర్మల్ జిల్లా బైంసా మండలం కామోల్ గ్రామంలో చోటుచేసుకుంది. మృతురాలి భర్త భజన కార్యక్రమానికి వెళ్లగా.. అతని భార్య గుమ్ముల ద్రుపద బాయి(52)ఇంట్లో ఉంది. ఇంట్లో ఒక్కసారిగా సిలిండర్ పేలడంతో.. ఆమె సజీవ దహనమైంది.
సిలిండర్ పేలిన శబ్దం భారీగా రావడంతో గ్రామస్తులు భయాందోళనలకు గురయ్యారు. సమాచారం అందుకున్న పోలీసులు సంఘటనా స్థలానికి చేరుకుని సిలిండర్ ప్రమాదంపై వివిధ కోణాలలో విచారణ చేసే పనిలో పడ్డారు. కేసు నమోదుచేసి దర్యాప్తు చేస్తున్నారు. మహిళ సజీవ దహనం కావడంతో గ్రామంలో విషాద ఛాయలు అలుముకున్నాయి.