Fake Campaign : తెలంగాణ అసెంబ్లీ ఎన్నికల్లో గెలుపు కోసం అడ్డదార్లు తొక్కుతున్నారు కొందరు దుర్మార్గులు. ఇందుకు బిగ్‌ టీవీ విశ్వసనీయతను వాడుకుంటున్నారు. బిగ్‌టీవీ లోగోను దుష్ప్రచారానికి వాడుకుంటున్నారు. కాంగ్రెస్ పార్టీ వ్యూహకర్త సునీల్ కనుగోలు స్ట్రాటజీస్ పేరుతో బిగ్‌టీవీ కథనాలు ప్రసారం చేసినట్టు వీడియో క్రియేట్ చేశారు. సోషల్ మీడియాలో పోస్టు చేశారు. ప్రజల్లో బిగ్ టీవీ తెచ్చుకున్న గుర్తింపును క్యాష్ చేసుకోవాలని దుర్మార్గులు పన్నాగం పన్నారు. దీనిపై బిగ్‌టీవీ యాజమాన్యం తీవ్రంగా స్పందించింది. సైబర్ క్రైమ్‌లో ఫిర్యాదు చేసేందుకు రెడీ అవుతోంది.

ఓటమి భయంతో కొందరు చేస్తున్న దుర్మార్గం ఇది. ఎన్నికల్లో గెలవాలంటే ప్రజల మన్ననలు పొందాలి. ఎమ్మెల్యేగా గెలిపిస్తే ప్రజలకు ఏం చేస్తామో వివరించాలి. పార్టీ మేనిఫెస్టోలోని అంశాలను ప్రజలకు వివరించాలి. అంతేకానీ ఇలాంటి దుష్ప్రచారాలతో కాదు. నిజం నిప్పులాంటిది. ఫేక్ వీడియోలతో వచ్చేది పైశాచిక ఆనందమే. అది కూడా తాత్కాలికమే. బిగ్‌టీవీకి ప్రజల్లో పెరుగుతున్న ఆదరణ, విశ్వసనీయతను క్యాష్ చేసుకోవాలని కొందరు చేస్తున్న దుర్మార్గంపై సైబర్ క్రైమ్‌లో యాజమాన్యం ఫిర్యాదు చేయబోతోంది.

తెలుగు రాష్ట్రాల్లో అత్యంత వేగంగా ప్రజారణ పొందుతున్న బిగ్‌టీవీ పేరుతో జరుగుతున్న ఇలాంటి చెత్త ప్రచారాల్ని నమ్మకండి. మా శాటిలైట్‌ ఛానల్ ప్రసారాలను యూట్యూబ్‌లో కూడా చూడొచ్చు. యూట్యూబ్‌తో పాటు.. ఫేస్‌బుక్, ట్విట్టర్ వంటి సోషల్ మీడియాలో మాకు అఫిషియల్ అకౌంట్లున్నాయి. వాటిలో కూడా చూడొచ్చు. ఈ విషయం కూడా తెలీని దుర్మార్గులు.. నీచంగా తప్పుడు ప్రచారాలు చేస్తున్నారు.

.

.

.

Share

• 
• 
• 
• 
• 
•