Drug busting in the Hyderabad Hostels(Latest news in Hyd): సాధారణంగా పబ్బుల్లో, రెస్టారెంట్లలో డ్రగ్స్ దొరికేవి. కానీ ఇప్పుడవి విద్యార్థుల హాస్టళ్లకు చేరాయి. ఓ కేసులో తీగ లాగుతున్న పోలీసులకి హాస్టల్లో మత్తు వాసన గుప్పుమంది. దీంతో వెళ్లి తనిఖీలు చేయగా డస్ట్ బీన్లో, లగేజీల్లో డ్రగ్స్ పాకెట్లు దొరికాయి. విద్యార్థులు ఉండే హాస్టల్లో మాదక ద్రవ్యాలు దొరకడం అందర్నీ నివ్వెరపరిచింది.
డ్రగ్స్ తీసుకునేవాళ్లు మారిపోయారు. డబ్బు సంపాదన కోసమో.. లేదంటే ఉన్నదాంట్లో సేవింగ్ చేయాలనో.. డ్రగ్స్ తీసుకోవడమే కాకుండా అమ్మడం మొదలు పెట్టారు. అంటే కన్జూమర్స్ కమ్ సప్లయర్లుగా మారిపోయారన్నమాట. కర్నాటక, గోవా లాంటి ప్రాంతాలకు వెళ్లి డ్రగ్స్ తీసుకొస్తున్నారు. తక్కువ మోతాదులో తీసుకొస్తూ గుట్టుగా డ్రగ్స్ అమ్మేస్తున్నారు. అయితే హాస్టళ్లలో డ్రగ్స్ దొరకడం ఖాకీలను సైతం విస్మయానికి గురిచేసింది.
Also Read: తెలంగాణలో బీజేపీ గ్రాఫ్.. పడిపోతుందా..?
సీఎం రేవంత్ సర్కార్ ఆదేశాలతో నార్కోటిక్ బ్యూరో చాకచక్యంగా వ్యవహరిస్తోంది. డ్రగ్స్తో ఎవరు ఎక్కడ పట్టుబడ్డా.. మూలాలతో సహా తీగ లాగుతోంది. ఫోన్ నంబర్లు, లొకేషన్ ఆధారంగా నేరుగా స్పాట్కు వెళ్లి డ్రగ్ దందా తాట తీస్తోంది. మూడో కంటికి అనుమానం రాకుండా సివిల్ డ్రెస్లో వారి ముందు వాలిపోతోంది. సప్లయ్దారుల ఆట కట్టిస్తోంది.