Devotee Who Started Telangana Bonam With Chicken, Viral Photos: తెలంగాణ రాష్ట్రంలోని అన్ని జిల్లాల ఊళ్లలో బోనాల పండుగ వేడుకలు అంగరంగ వైభవంగా జరుగుతున్నాయి. అంతేకాకుండా ఈ పండుగను కుటుంబసమేతంగా అందరితో కలిసి ఎంతో ఆనందంగా జరుపుకుంటారు గ్రామస్థులు. అయితే నూతనంగా మహబూబాబాద్ జిల్లా ఏర్పడింది. ఈ జిల్లా పరిధిలోని కేసముద్రం మండలం ఉంది. అన్ని ఊళ్లలో జరుగుతున్నట్టుగానే ఈ మండల కేంద్రంలో బోనాలు వేడుకలు ఘనంగా జరుగుతున్నాయి.

అయితే ఇక్కడ జరుగుతున్న బోనం స్పెషల్ అనే చెప్పాలి. ఎందుకంటే ఈ బోనాల పండుగలో పుంజుకు పట్టిన పుత్తడి వైభవం తీసుకొచ్చాడు అదే గ్రామానికి చెందిన వ్యక్తి. అంతేకాదు గత 6 ఏళ్లుగా బోనంతో పాటు కోడి మొక్కును అమ్మవారికి కేసముద్రం గ్రామానికి చెందిన తొడేటి వెంకన్న ప్రతి ఏటా చెల్లించుకుంటున్నాడు. నాటు కోడికి బంగారు చెవి కమ్మలు చేపించి, దానికి మందు సీసా,నిమ్మకాయలు కట్టి డప్పు చప్పుళ్ళతో ఊరంతా ర్యాలీ నిర్వహిస్తాడు. దీంతో దీనిని చూసేందుకు కోడి చుట్టూ కుర్రకారు చేరి సెల్ఫీలు దిగుతున్నారు. మరికొందరు అయితే తోడేటి వెంకన్నను తారీఫ్ చేస్తున్నారు.

Also Read: ప్రాణం తీసిన ఫోన్, ఎందుకో తెలిస్తే షాకవ్వాల్సిందే…

ఇక వెంకన్న తయారుచేసిన కోడిని చూసేందుకు చుట్టుపక్కల జనాలు కేసముద్రంకు తండోపతండాలుగా ఆ గ్రామానికి చేరుకుంటున్నారు. అంతేకాకుండా ఆ గ్రామానికి చెందిన వెంకన్న ఆ కోడిని ప్రతి ఏడాది ఇలాగే తయారుచేస్తారంటూ ఆ గ్రామస్థులు తెలుపుతున్నారు. ఇక ఈ కోడి చెవులకు కమ్మలు మెడలో మందు బాటిల్, మెడలో బంతిపూల దండతో అందరిని ఎంతగానో ఆకర్షిస్తోంది. ప్రస్తుతం ఈ కోడికి సంబంధించిన న్యూస్ కాస్త నెట్టింట వైరల్ కావడంతో ఈ న్యూస్ చూసిన నెటిజన్లు ప్రతిఒక్కరు వావ్ భలే కోడి అంటూ కొందరు, మరికొందరు ఫన్నీ కామెంట్లతో పోస్ట్‌లు పెడుతున్నారు. ఏదేమైనా తెలంగాణ అంతటా ఈ న్యూస్ గురించే మాట్లాడుకుంటున్నారు.

Share

• 
• 
• 
• 
• 
•