Chikoti Praveen : చికోటి ప్రవీణ్.. ఈ పేరు క్యాసినో కేసుతో తెలుగు రాష్ట్రాల్లో సంచలనం మారింది. ఈడీ దాడులు, విచారణ సమయంలో చికోటి హాట్ టాపిక్ గా మారారు. అతడికి వీఐపీలు, రాజకీయ, సినీ ప్రముఖులతో పరిచయాలున్నాయని వెల్లడైంది. ఈ నేపథ్యంలో అతనితో పరిచయం కొందమందిని ఈడీ విచారించింది. క్యాసినో వ్యవహారంతో వెలుగులోకి వచ్చిన చికోటి ప్రవీణ్ నిత్యం ఏదో విషయంలో వార్తల్లో ఉంటున్నారు.

తాజాగా లాల్‌దర్వాజ బోనాల వేళ చికోటి ప్రవీణ్ హల్ చల్ చేశారు. అమ్మవారి దర్శనానికి ప్రైవేట్ భద్రతా సిబ్బందిని కూడా వెంటబెట్టుకుని వచ్చారు. ఆలయం దగ్గర భక్తుల రద్దీ ఉన్న సమయంలో హడావిడి చేశారు. ఈ క్రమంలో ఆలయం వద్ద ఉన్న ప్రభుత్వ భద్రతా సిబ్బంది.. చికోటి ప్రవీణ్ ప్రైవేట్ సెక్యూరిటీని అడ్డుకున్నారు. ఆ సమయంలో ప్రైవేట్ సెక్యూరిటీ గార్డ్స్‌ వద్ద వెపన్స్‌ ఉన్నాయి.

జన సమూహంలోకి ప్రైవేట్ సిబ్బందితో రావడం చట్టారీత్యా నేరమని పోలీసులు తెలిపారు. ముగ్గురు సెక్యూరిటీ గార్డ్స్‌ను టాస్క్‌ఫోర్స్‌ పోలీసులు అదుపులోకి తీసుకున్నారు. వారి వద్ద ఉన్న వెపన్స్‌కు లైసెన్స్‌ లేకపోతే కేసులు నమోదు చేస్తామని పోలీసులు స్పష్టం చేశారు.

Share

• 
• 
• 
• 
• 
•