Brother Rapes His Own Minor Sister at Nagarkurnool Telangana: ఒకే తల్లికడుపున పుట్టిన సోదరుడి వల్ల ఓ మైనర్ చెల్లి గర్భవతి అయింది. సభ్య సమాజం సిగ్గుపడే ఈ ఘటన నాగర్ కర్నూల్ జిల్లాలో చోటుచేసుకుంది. సమాజంలో మానవ సంబంధాలు దెబ్బతింటున్నాయి. మహిళలపై దాడులు పెరిగాయి. చిన్న పిల్లలు, పెద్దవాళ్లు అని లేకుండా జంతువుల కంటే హీనంగా వావివరుసలు మర్చిపోయి కామాంధులు సొంత వారిని కూడా వదలడం లేదు.
నిత్యం ఇలాంటి ఘటనలు ఏదొక చోట జరుగతూనే ఉన్నాయి. ఎన్ని చట్టాలు వచ్చిన.. వారికి కఠినమైన శిక్షలు విధించిన వారిలో మాత్రం మార్పు రావడం లేదు. ఇలాంటి ఘటనే నాగర్ కర్నూల్ జిల్లా గంగారం కిమ్యాతండలో జరిగింది. అభం శుభం తెలియని మైనర్ తోబుట్టువును గర్భవతిని చేశాడు ఓ కీచక అన్న. కేశవులు అనే యువకుడు తన సొంత చెల్లిని బెదిరించి పలుమార్లు తనపై అఘాయిత్యానికి పాల్పడడంతో గర్భవతి అయింది.
తల్లి మహబూబ్ నగర్లో ఉండగా.. కేశవులు తన చెల్లెలితో కలిసి గంగారంలో నివాసముంటున్నాడు. ఇంట్లో ఎవరూ లేకపోవడంతో చెల్లిపై బలవంతంగా అఘాయిత్యానికి పాల్పడేవాడు. ఎవరికైనా చెబితే చంపేస్తామని బెదిరించేవాడు. బుద్ధారం, ఖిలా ఘన్ పూర్ అడవుల్లో సంచరిస్తుండగా స్థానికులకు అనుమానం వచ్చి పట్టుకొని పోలీసులకు పట్టించారు. విచారణలో ఈ దారుణ ఘటన వెలుగులోకి వచ్చింది. నిందితుడిని అదుపులోకి తీసుకొని బాధితురాలని ఆసుపత్రికి తరలించారు.
Also Read: నిరుద్యోగుల ధర్నాలకు చెక్.. డీఎస్సీకి తెలంగాణ సర్కార్ గ్రీన్ సిగ్నల్
ఇదలా ఉంటే తాజాగా విజయనగరం జిల్లాలో సభ్య సమాజం తలదించుకునే దారుణ ఘటన జరిగింది. అభంశుభం తెలియని ఆరు నెలల పసికందుపై వరుసకు తాత అయిన వ్యక్తి అత్యాచారానికి పాల్పడ్డాడు. దీంతో పసికందుకు తీవ్ర రక్తస్రావమైంది. ఊయలలో ఉన్న చిన్నారని తీసుకెళ్లి.. అఘాయిత్యానికి పాల్పడ్డాడు కామాంధుడు .