Rave party at hyderabad: హైదరాబాద్లో రేవ్ పార్టీ కల్చర్ క్రమంగా పెరుగుతోంది. వీకెండ్ వస్తే కొందరు యువకులు పార్టీల పేరుతో నానాహంగామా చేస్తున్నారు. తాజాగా మేడ్చల్ జిల్లా ఘట్కేసర్లో జరుగుతున్న రేవ్ పార్టీపై పోలీసులు దాడులు చేశారు. ఈ ఘటనలో భారీగా మందు పట్టుబడింది. ఈ పార్టీకి కొందరు సెలబ్రిటీలు హాజరయ్యారు. కొందర్ని అరెస్ట్ చేసిన పోలీసులు, మరికొందరిపై కేసులు నమోదు చేశారు.
సోమవారం బిగ్బాస్ ఫేం మెహబూబ్ షేక్ బర్త్ డే. ఫ్రెండ్స్ రిక్వెస్ట్ చేయడంతో పార్టీ ఇవ్వాలని నిర్ణయించుకున్నాడు. హైదరాబాద్ అయితే లేనిపోని సమస్యలు వస్తాయని భావించాడు. పార్టీకి వేదికగా మేడ్చల్లోని ఘట్కేసర్ ప్రాంతాన్ని ఎంపిక చేసుకున్నాడు. ఓ రిసార్టులో పార్టీని గ్రాండ్గా అరేంజ్ చేశాడు. మెహబూబ్ ఫ్రెండ్స్తో పాటు పలువురు సెలబ్రిటీలు హాజరయ్యారు.
రిసార్ట్లో రేవ్ పార్టీ జరుగుతున్న విషయం పోలీసుల చెవిలో పడింది. ఏ మాత్రం ఆలస్యం చేయకుండా నైట్ మెరుపుదాడి చేశారు. అనుమతి లేకుండా పార్టీ నిర్వహించడంపై ఆర్గనైజర్లతోపాటు పలువురు సెలబ్రిటీలపై కేసులు నమోదు చేశారు.
ALSO READ: ఎమ్మెల్సీ కవితకు మళ్లీ నిరాశ.. రిమాండ్ పొడిగింపు
రేవ్ పార్టీలో 10 లీటర్ల లిక్కర్, ఐదు లీటర్ల బీరు బాటిళ్లను స్వాధీనం చేసుకున్నారు. అయితే ఎవరిని అరెస్ట్ చేశారన్న విషయాలు పోలీసులు బయటపెట్టలేదు. కొందరు అమ్మాయిలు, యువకులు పట్టుబడినట్టు అంతర్గత సమాచారం. వారికి కౌన్సెలింగ్ ఇచ్చినట్టు తెలుస్తోంది.
బుల్లితెరకు చెందిన పలువురు ఈ పార్టీలో ఉన్నట్లు తెలుస్తోంది. అంతేకాదు రేవ్ పార్టీలో బడా సెలబ్రిటీ లున్నట్లు భావిస్తున్నారు. మరి విచారణలో ఇంకెన్ని విషయాలు వెలుగులోకి వస్తాయో చూడాలి.
రేవ్ పార్టీలో బిగ్బాస్ ఫేమ్ మహబూబ్ షేక్?
మేడ్చల్ జిల్లా ఘట్కేసర్ ఎక్సైజ్ పోలీస్ స్టేషన్ పరిధిలో అనుమతి లేకుండా మందుపార్టీ ఏర్పాటు. 10 లీటర్ల లిక్కర్, 5 లీటర్ల బీరు బాటిళ్లు స్వాధీనం చేసుకొని మహబూబ్ షేక్, పార్టీ ఆర్గనైజర్పై కేసులు నమోదు చేసిన పోలీసులు. కాంటినెంట్ రిసార్ట్… pic.twitter.com/LAs5JHVnpN
— ChotaNews (@ChotaNewsTelugu) July 31, 2024