A crocodile is seen in the farm, and the laborers are upset: మొసలి.. దీని శరీరం అంతా వికారంగా.. పొలుసులను కలిగి ఉంటుంది. ఇక దీని శక్తిని చూడాలంటే నీటిలోకి దిగాలి. దాని బలం ఎంత ఉంటుందంటే ఒక ఏనుగును లాగి అవతల పడేసే అంత కలిగి ఉంటుంది. అంతేకాదు నీటిలో ఉన్నప్పుడు దానిని ఆపడం ఎవరితరం కాదు. అంతలా తన బలాన్ని కలిగి ఉంటుంది. అలాంటిది అది నీటి నుంచి బయటకు వస్తే ఎలా ఉంటుంది. ప్రాణం పోయి వచ్చినట్టు ఉంటుంది. అచ్చం అలాంటి సీనే ఇక్కడ రిపీట్ అయింది. ఇంతకీ ఇదెక్కడ జరిగింది అనుకుంటున్నారా.. అయితే అదెక్కడో తెలియాలంటే పుల్‌ డీటెయిల్స్‌ తెలుసుకోవాల్సిందే.

జోగులాంబ గద్వాల జిల్లా మల్దకల్ మండల కేంద్రంలోని దేవరచెరువు వెనుక పత్తి పొలంలో మొసలి ప్రత్యక్షం అవడంతో అందరూ కంగారు పడ్డారు. ఉదయం పొలంలో పనిచేస్తున్న కూలీలకు మొసలి కనిపించడంతో వారికి షాక్ అయ్యారు. దాంతో భయభ్రాంతులకు గురైన కూలీలు వెంటనే పోలీసులు, అటవీశాఖ అధికారులకు ఫోన్ ద్వారా సమాచారం అందించారు. హుటాహుటిన ఘటనాస్థలానికి చేరుకున్న జమిందార్ పురేందర్ కానిస్టేబుల్ నిరంజన్ అటవీ సిబ్బంది రైతుల సహాయంతో మొసలిని పట్టుకునేందుకు ప్రయత్నిస్తున్నారు.

Also Read: ఢిల్లీకి సీఎం రేవంత్, పార్టీలో మార్పులు చేర్పులు!

భారీ వర్షాలకు చెరువులు కుంటలు ఉప్పొంగి ప్రవహిస్తుండటంతో మొసలి పొలంలోకి వచ్చి ఉండవచ్చని అధికారులు అనుమానిస్తున్నారు. అంతేకాదు అప్పుడప్పుడు ఇలాంటి ఘటనలు జరిగినప్పుడు కంగారుపడకుండా వెంటనే అటవీ అధికారులకు సమాచారం అందించిన తీరును అటవీశాఖ అధికారులు కొనియాడారు. అంతేకాదు పనులకు వెళ్లేటప్పుడు ప్రజలు, కూళీలు అప్రమత్తంగా ఉండాలంటూ సూచించారు.

Share

• 
• 
• 
• 
• 
•