Sanju Samson : సంజూ శాంసన్. చిన్న వయసులోనే క్రికెట్లో అడుగుపెట్టి, మాస్టర్ బ్లాస్టర్ సచిన్ టెండూల్కర్ అంతటి వాడు అని మొదట్లో అందరూ పొగిడేలా ఆడాడు. ముఖ్యంగా ఐపీఎల్ మ్యాచ్లలో చెలరేగిపోయాడు. సంజూ శాంసన్ ఆట చూసి వన్డేల్లో అవకాశం ఇచ్చినా.. దాన్ని ఉపయోగించుకున్నది తక్కువే. మిగతా ఆటగాళ్లకు ఇచ్చినన్ని అవకాశాలు.. పాపం సంజూ శాంసన్కు దక్కలేదనే చెప్పాలి. అందుకే, ఐపీఎల్లోనే ఎక్కువ సత్తా చాటుతున్నాడు. ఆ ఆట, టాలెంట్ చూసే ఐపీఎల్లో సంజూ శాంసన్ను కొంటున్నాయి మేనేజ్మెంట్స్.
ఎందుకనో సంజూ శాంసన్కు కాలం కలిసి రావడం లేదు. వరుస పెట్టి డకౌట్స్ అవుతున్నాడు. లాస్ట్ 2 మ్యాచ్లలో అయితే పూర్తిగా ట్రాక్ తప్పినట్టు కనిపిస్తున్నాడు. సూర్య కుమార్ యాదవ్ లాంటి వాళ్లే ట్రాక్ తప్పుతున్నప్పడు సంజూ శాంసన్ ఎంత అంటారా. సూర్యకు ఐపీఎల్ కాకపోతే వన్డే, టెస్టుల్లో అవకాశ వస్తుంటుంది. కాని, శాంసన్ విషయంలో అలా కాదు. ఐపీఎల్లో మెరవాల్సిందే.
పైగా సంజూ శాంసన్ రాజస్తాన్ రాయల్స్ కెప్టెన్ కూడా. ఆడిన మ్యాచుల్లో వరుసగా రెండుసార్లు డకౌట్ అవడం.. రియల్లీ నాట్ గుడ్ ఫర్ కెరీర్. బుధవారం సీఎస్కేతో జరిగిన మ్యాచ్లో శాంసన్.. జడేజా బౌలింగ్లో క్లీన్బౌల్డ్ అయ్యాడు. దీంతో ఐపీఎల్లో ఓ చెత్త రికార్డ్ తన ఖాతాలో వేసుకున్నాడు. రాజస్తాన్ రాయల్స్ జట్టు తరపున ఎక్కువ సార్లు డకౌట్ అయిన ఆటగాడిగా శాంసన్ నిలిచాడు. సీఎస్కేతో మ్యాచ్లో ఔట్ అవడంతో.. 8 సార్లు డకౌట్ అయ్యాడు సంజూ శాంసన్.
శాంసన్ తర్వాత షేన్ వార్న్, స్టువర్ట్ బిన్నీ ఏడుసార్లు డకౌట్ అయి సెకండ్ ప్లేస్లో ఉన్నారు. అజింక్యా రహానే ఐదుసార్లు డకౌట్ అయి మూడో స్థానంలో ఉన్నాడు. ఇదంతా చూస్తున్న అభిమానులు… ఇలాంటి రికార్డులు అవసరమా సంజూ అని కామెంట్ చేస్తున్నారు.