Mohammed Shami undergoes ankle surgery: భారత సీనియర్ పేసర్ మహ్మద్ షమీ మోకాలికి జరిగిన సర్జరీ సక్సెస్ అయ్యింది. దీంతో అతడు వచ్చే నెలలో జరగనున్న ఇండియన్ ప్రీమియర్ లీగ్కు దూరం కానున్నాడు. జూన్లో జరగనున్న T20 ప్రపంచ కప్లో ఆడేది అనుమానంగా మారింది.
ప్రపంచకప్ ఫైనల్ తర్వాత గాయపడిన షమీ లండన్కు వెళ్లి సర్జరీ చేయించుకున్నాడు. ఈ సందర్భంగా అతను మంగళవారం ట్విట్టర్ వేదికగా సర్జరీ సక్సెస్ అయ్యిందని తెలిపాడు. కోలుకోడానికి కొంత సమయం పడుతుంది.. తిరిగి గ్రౌండ్లో అడుగుపెట్టడానికి ఎదురుచూస్తున్నా అని ట్విట్టర్లో పోస్ట్ చేశాడు.
Just had a successful heel operation on my achilles tendon! 👟 Recovery is going to take some time, but looking forward to getting back on my feet. #AchillesRecovery #HeelSurgery #RoadToRecovery pic.twitter.com/LYpzCNyKjS
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) February 26, 2024
ఈ పోస్ట్పై స్పందించిన ప్రధాని మోదీ.. “మీరు త్వరగా కోలుకోవాలి. పూర్తి ఆరోగ్యంగా మారాలని కోరుకుంటున్నా. ధైర్యంతో గాయాన్ని అధిగమిస్తారని ఆశాభావం వ్యక్తం చేస్తున్నా.” అని ట్వీట్ చేశారు.
Wishing you a speedy recovery and good health, @MdShami11! I'm confident you'll overcome this injury with the courage that is so integral to you. https://t.co/XGYwj51G17
— Narendra Modi (@narendramodi) February 27, 2024
మహమ్మద్ షమీ చివరిసారిగా నవంబర్ 19న ఆస్ట్రేలియాతో జరిగిన వన్డే ప్రపంచకప్ ఫైనల్లో ఆడాడు. ప్రపంచ కప్లో మొత్తంగా ఏడు మ్యాచుల్లో 24 వికెట్లు తీసుకుని సత్తా చాటాడు.
Read More: Jan Nicol Loftie-Eaton: నమీబియా ఆటగాడి విధ్వంసం.. టీ20ల్లో ఫాస్టెస్ట్ సెంచరీ..
ఆల్ రౌండర్ హార్దిక్ పాండ్యాను ముంబై ఇండియన్స్కు ఆల్ క్యాష్ డీల్లో ట్రేడ్ చేసిన గుజరాత్ టైటాన్స్కు షమీ లేకపోవడం పెద్ద దెబ్బే. గత ఏడాది గుజరాత్ టైటాన్స్ తరఫున అత్యధిక వికెట్లు తీసి.. టైటాన్స్ ఫైనల్ చేరడంలో కీలక పాత్ర పోషించాడు.