Romario shepherd in last ipl match: ఎట్టకేలకు ముంబై ఇండియన్స్ విజయాల బాట పట్టింది. హార్దిక్ పాండ్యా మొఖంలో ఆనందం కనిపించింది. రోహిత్ శర్మ తన తప్పులేదన్నట్టు ఆడాడు. బుమ్రా మెరిశాడు. అంతా ఫీల్ గుడ్ ఫ్యాక్టర్స్ కనిపించాయి. నిన్నటి వరకు అన్నీ లోపాలే ఉన్నట్టు కనిపించిన ముంబయి ఇండియన్స్ ఒక్క గెలుపుతో అన్నీ పటాపంచలైనట్టు కనిపించాయి.
ఈ గెలుపు వెనుక ఒక మొనగాడున్నాడు. అతనే రొమారియో షెఫర్డ్.. చివర్లో వచ్చి దుమ్ముదులిపి, మామూలుగా ఆడలేదు. అరవీర భయంకరంగా రెచ్చిపోయాడు. 10 బాల్స్ లో 39 పరుగులు చేశాడు. అంతేకాదు నోకియా వేసిన చివరి ఓవర్ లో ఏకంగా 32 పరుగులు పిండుకున్నాడు. ఇదే మ్యాచ్ మలుపునకు కారణమైంది.
ఐపీఎల్ చరిత్రలోనే ఒక ఇన్నింగ్స్ లో అత్యధిక స్ట్రయిక్ రేట్ 390.0 తో ఆడిన ఆటగాడిగా షెపర్డ్ రికార్డు క్రియేట్ చేశాడు. ఇంతకు ముందు ఈ రికార్డ్ కెప్టెన్ ప్యాట్ కమిన్స్ (373.3 )పేరిట ఉంది. నిజానికి ఆ ఓవర్ లో షెపర్డ్ 4,6,6,6,4,6 ఇలా కొట్టుకుంటూ వెళ్లాడు.
Also Read: యశ్ ఠాకూర్ ఎవరు భయ్?
ముంబై ఇండియన్స్ మొదట బ్యాటింగ్ చేసి 234 పరుగులు చేసింది. లక్ష్య ఛేదనలో ఢిల్లీ క్యాపిటల్స్ 205 పరుగులు మాత్రమే చేసింది. అంటే 29 పరుగుల తేడాతో ఓటమి పాలైంది. ఇప్పుడు షెఫర్డ్ ఆఖరి ఓవర్లో చేసిన 32 పరుగులు గానీ లేకపోతే ఢిల్లీ క్యాపిటల్స్ ఏదో రకంగా గెలిచి ఉండేది.
ఆ ఒక్క ఓవర్ మ్యాచ్ గెలుపు ఓటములను మార్చింది కాబట్టి ఫెఫర్డ్ కి ప్లేయర్ ఆఫ్ ది మ్యాచ్ అవార్డు దక్కింది. ఈ సందర్భంగా తను మాట్లాడుతూ ఒక పథకం ప్రకారం గేమ్ లోకి వచ్చామని అన్నాడు. డెత్ ఓవర్లలో బ్యాటింగ్ కి వెళ్లినప్పుడు క్లియర్ మైండ్ సెట్ తో ఉండాలని అన్నాడు. దేనిగురించి ఆలోచించ కూడదని తెలిపాడు.
టిమ్ డేవిడ్ తో కలిసి చివరి ఓవర్ ఆడాను. ఏదైతే అదే అయ్యింది, బ్యాట్ ఝులిపించమని చెప్పాడు. తన మాట మేరకు నా శక్తినంతా ఉపయోగించి బాల్ పై దాడి చేశానని అన్నాడు. అలా సిక్సర్లు కొట్టడానికి చాలా శక్తి కావాలని అన్నాడు. దానికి బాగా తినాలని కూడా చెప్పాడు. నేనెక్కువ తింటాను. ముఖ్యంగా ఇండియన్ ఫుడ్డు అంటే నాకు చాలా ఇష్టమని అన్నాడు. 29 సంవత్సరాల రొమారియో షెఫర్డ్ వెస్టిండీస్ కి చెందిన ఫాస్ట్ బౌలర్. కానీ తనిలా ఒక బ్యాటర్ గా ఆడటం అందరినీ ఆశ్చర్యంలో ముంచెత్తింది. అలాగే ముంబై ఇండియన్స్ కి టెన్షన్ తగ్గించింది.