Mitchell Marsh set to Captain Australia in T20 World Cup 2024: వన్డే వరల్డ్ కప్ 2023ని అందించిన ఆస్ట్రేలియా కెప్టెన్ పాట్ కమిన్స్ ను తీసి పక్కన పెట్టే అవకాశాలున్నాయి. జూన్ లో జరగనున్న టీ 20 ప్రపంచకప్ నకు మిచెల్ మార్ష్ కెప్టెన్ గా ఎంపికయ్యే అవకాశాలున్నాయి. ఎందుకంటే టీ 20లో తనకి ఘనమైన రికార్డ్ ఉంది. అందుకే ఆ జట్టు కోచ్ ఆండ్రూ మెక్ డొనాల్డ్ టీ 20 పగ్గాలు మార్ష్ కి అందించాలని పట్టుబడుతున్నట్టుగా తెలుస్తోంది.

జార్జ్ బెయిలీ అధ్యక్షుడిగా ఉన్న సెలక్షన్ కమిటీలో మెంబర్ అయిన మెక్ డొనాల్డ్…టీ 20 ప్రపంచ కప్ విషయంలో గట్టి పట్టు పడుతున్నట్టు సమాచారం. మరోవైపు విపరీతమైన క్రికెట్ ఆడుతున్న 30 ఏళ్ల కమిన్స్ కూడా టీ 20లో సారథ్యం వహించడానికి అంత మక్కువ చూపించడం లేదని తెలిసింది. ఎందుకంటే రేపు కోచ్, కెప్టెన్ కలిసి పనిచేయాల్సి ఉంటుంది.

Also Read: మేం వచ్చాం.. మరి మీరొస్తారా? భారత్ రాక కోసం ఎదురుచూస్తున్న పాక్

ఆల్రడీ తను టీ 20కి పనికిరాడని కోచ్ అనుకున్న తర్వాత, ఇంక తనెంత నిరూపించుకున్నా ఫలితం ఉండదు. ఒకవేళ ఓటమి పాలైతే, నేనప్పుడే చెప్పానని అంటాడు. అందువల్ల కోచ్ కి ఇష్టం లేదని తెలిసిన తర్వాత తను సారథిగా కొనసాగడం కరెక్టు కాదని, చెబితే తప్పుకోవడానికి సిద్ధంగా ఉన్నాడని సన్నిహితులు అంటున్నారు.

ఈ క్రమంలో త్వరలో జరగనున్న ఐపీఎల్ 2024 సీజన్ లో సన్ రైజర్స్ హైదరబాద్ కి కెప్టెన్ గా కమిన్స్ వస్తున్నాడు. ఇప్పుడు కోచ్ మీద ఉన్న కసితో వస్తున్నాడని, ఐపీఎల్ లో తనేమిటో నిరూపించుకుని సన్ రైజర్స్ కి కప్ తీసుకొస్తాడని నెట్టింట అభిమానులు కామెంట్లు పెడుతున్నారు.

Share

• 
• 
• 
• 
• 
•