Manu Bhaker’s Father: పారిస్ ఒలింపిక్స్ ఏమోగానీ, మనుబాకర్- నీరజ్‌చోప్రా గురించి ఒకటే చర్చ. కెరీర్‌‌లో యువ ఆటగాళ్లు అనుకున్నది సాధించారని, ఒలింపిక్స్ పుణ్యమా అని వీరి మధ్య రిలేషన్‌షిప్ చిగురించిందని అంటున్నారు. రేపోమాపో వీరిద్దరు ఒకటి కావడం ఖాయమనే ప్రచారం జోరందుకుంది. దీనికి ఫుల్‌స్టాప్ పెట్టే ప్రయత్నం చేశారు మనుబాకర్ తండ్రి రామ్‌కిషన్ బాకర్.

పారిస్‌ ఒలింపిక్స్‌‌ 2024లో మనుబాకర్ షూటింగ్ విభాగంలో రెండు పతకాలు సొంతం చేసుకుంది. జావెలిన్ త్రోలో నీరజ్‌చోప్రా రజతం దక్కించుకున్నాడు. ఒలింపిక్స్‌లో ఇద్దరు యువ ఆటగాళ్లు రెండేసి పతకాలు సాధించారు. ఇద్దరూ హర్యానాకు చెందినవారు. మనుబాకర్‌కు 22 ఏళ్లుకాగా, నీరజ్‌కు 24 ఏళ్లు.

మనుబాకర్-నీరజ్‌చోప్రాల ఈడు జోడు కుదిరింది. వయస్సు, పతకాలు ఇద్దరూ సమానంగా సాధించారు. వీరిద్దరూ ఒకటైతే బాగుంటుందనే చర్చ జోరందుకుంది. పారిస్ ఒలింపిక్స్ ముగింపు వేడుకల సందర్భంగా భారత్ ఆటగాళ్లు మనుబాకర్-నీరజ్‌చోప్రా క్లోజ్‌గా కలిసి మాట్లాడిన వీడియో ఒకటి సోషల్ మీడియాలో వైరల్ అయ్యింది.

ALSO READ: అబ్బాయికి 24, అమ్మాయికి 22 .. నీరజ్-మను మధ్య.. ఏమిటి కథ?

ఆ వీడియోపై ఎవరికి వారు కథలు అల్లేసుకుని సోషల్‌మీడియాలో పోస్టులు పెట్టారు క్రీడాభిమానులు. ఈలోగా మనుబాకర్ తల్లి కూడా నీరజ్‌తో క్లోజ్‌గా మాట్లాడడం, ఆ తర్వాత నీరజ్‌చోప్రాతో ఒట్టు పెట్టించుకోవడం కనిపించింది. దీంతో వీరిద్దరి మ్యారేజ్ గాసిప్స్‌కి మరింత బలం చేకూరింది. సోషల్‌మీడియా, నేషనల్ ఛానెళ్లలో ఈ వ్యవహారంపై చర్చ కూడా పెట్టారు.

పరిస్థితి గమనించిన మనుబాకర్ తండ్రి రామ్‌కిషన్.. ఈ వార్తలకు ఫుల్‌స్టాప్ పెట్టే ప్రయత్నం చేశాడు. మను ఇంకా చిన్నపిల్ల అని, ఇంకా పెళ్లి వయసు రాలేదన్నాడు. ఆ విషయం గురించి తాము ఆలోచించలేదన్నాడు. మను తల్లి నీరజ్‌ని కొడుకులా చూసుకుంటుందంటూ మ్యారేజ్ గాసిప్స్‌కు ఫుల్ స్టాప్ పెట్టే ప్రయత్నం చేశాడు.

ఉన్నట్లుండి రామ్‌కిషన్.. ఇలా ట్విస్ట్ ఇచ్చాడేంటంటూ చర్చించుకోవడం నెటిజన్స్ వంతైంది. ప్రస్తుతానికైతే మ్యారేజ్ గాసిప్స్‌కు పుల్‌స్టాప్ పెట్టే ప్రయత్నం చేశాడు. రేపటి రోజైనా మను తండ్రి మనసు మార్చుకుంటాడేమో చూడాలి.

Share

• 
• 
• 
• 
• 
•