Kavya Maran addresses SRH Players: ఐపీఎల్ – 2024 ఫైనల్ మ్యాచ్ ఓడిన తర్వాత కావ్య‌మారన్ ఎక్కడ? మ్యాచ్ ఓడిపోయిన తర్వాత కంట తడి పెట్టి వెళ్లిపోయారు? అక్కడి నుంచి ఆమె నేరుగా ఎక్కడికి వెళ్లారు? ఆ తర్వాత ఎందుకు కనిపించడం మానేశారు? ఇలా రకరకాల ప్రశ్నలు సన్ రైజర్స్ అభిమానులను వెంటాడింది.

ఓటమి నుంచి తేరుకున్న కావ్యమారన్, నేరుగా సన్‌రైజర్స్ ఆటగాళ్లు ఉన్న డ్రెస్సింగ్ రూమ్‌కి వెళ్లిపోయారు . జట్టు ఓడిపోయిందని తాను నిరాశ పడే బదులు, ఆటగాళ్లలో ఉత్సాహం నింపారామె. ఐపీఎల్‌లో ఈసారి మీరు ఆడిన తీరు చాలా బాగుందని కితాబు ఇచ్చారు. ఈసారి మన జట్టు గురించి ప్రతి ఒక్కరూ మాట్లాడుకునేలా చేశారని ఆటగాళ్లను ఉద్దేశించి నాలుగు మాటలు మాట్లాడారు.

ఆదివారం మనది కాదని, కానీ టోర్నీలో చాలా చక్కగా ఆడారని మనసులోని మాట బయటపెట్టారు కావ్య మారన్. మైదానంలో అన్ని విభాగాల్లో చక్కగా రాణించారని, మీరు చేసిన ప్రదర్శన అమోఘమంటూనే అందరికీ కృతజ్ఞతలు చెప్పారు. గత సీజన్‌లో ఆఖరి ప్లేస్‌లో ఉన్న సన్‌రైజర్స్ జట్టు, ఈసారి అందరూ మాట్లాడుకునేలా చేశారన్నారు. అంతేకాదు పెద్ద సంఖ్యలో అభిమానులు మైదానానికి వచ్చారంటే అందుకు కారణం మీరేనని వెల్లడించారు.

Also Read: ఐపీఎల్ చరిత్రలో..14 ఏళ్ల రికార్డ్ బద్దలైంది

కేకేఆర్ ఐపీఎల్ ఛాంపియన్‌గా నిలిచినా ప్రతి ఒక్కరూ మన జట్టు గురించి మాట్లాడుతున్నారని తెలిపారు కావ్య. ఈ టోర్నీ మనం ఆడిన ఆట మరిచిపోలేమని, ఈ విషయంలో ఎవరూ నిరుత్సాహపడవద్దన్నారు. ఫైనల్ వరకు చేరడం ఆషామాషీ కాదన్నారు. చాలా టీమ్‌లు మన ఆటను చూస్తూ ఉండిపోయారంటే అందుకు కారణం మీరేనంటూ ఆటగాళ్లను కాస్త ఉత్సాహ పరిచారు. త్వరలోనే మళ్లీ కలుద్దామని ముగించారు.

"You've made us proud." 🧡

– Kaviya Maran pic.twitter.com/zMZraivXEE

— SunRisers Hyderabad (@SunRisers) May 27, 2024

🗣️ Pat & Dan’s heartfelt message for the Risers after a truly 𝘂𝗻𝗳𝗼𝗿𝗴𝗲𝘁𝘁𝗮𝗯𝗹𝗲 season 🧡🙌#PlayWithFire pic.twitter.com/bvdpOY93Va

— SunRisers Hyderabad (@SunRisers) May 28, 2024

Share

• 
• 
• 
• 
• 
•