Andreeva Shocks to Sabalenka: ఫ్రెంచ్ ఓపెన్‌లో సంచనాలు, సబలెంకాపై ఆంద్రీవా విజయం

Andreeva Shocks to Sabalenka: ఫ్రెంచ్ ఓపెన్‌లో సంచలనాలు నమోదయ్యాయి. రెండుసార్లు ఆస్ట్రేలియన్ ఓపెన్ విజేత సబలెంకాకు చెక్ పెట్టింది 17 ఏళ్ల మిరా ఆంద్రీవా. బుధవారం జరిగిన మహిళ సింగిల్స్ క్వార్టర్ ఫైనల్లో రష్యా టీనేజీ అమ్మాయి మిరా 6-7, 6-4, 6-4, తేడాతో బెలారస్‌కి చెందిన సబలెంకాపై సంచలన విజయాన్ని నమోదు చేసింది.

బుధవారం జరిగిన క్వార్టర్ ఫైనల్ మ్యాచ్‌లో హోరాహోరీగా తలపడ్డారు ఇరువురు ఆటగాళ్లు. ప్రతీ సెట్ ఆసక్తికరంగా సాగింది. తొలిసెట్‌లో ఒకసారి మిరా పాయింట్ సాధిస్తే.. మరోసారి సబలెంకా దక్కించు కునేది. తొలిసెట్‌ను అతి కష్టమీద గెలుచుకున్న రష్యా టీనేజీ అమ్మాయి, రెండు, మూడు సెట్లలో అదే దూకుడు కనబరిచింది. ఈ పోరులో ఆంద్రీవా నాలుగు ఏస్‌లు, 43 విన్నర్లు కొట్టింది. చివరకు ఫ్రెంచ్ ఓపెన్ నుంచి సబలెంకా ఔటయ్యింది.

మరో క్వార్టర్ ఫైనల్ మ్యాచ్‌లో 12 సీడ్ ఇటలీ క్రీడాకారిణి పౌలీ.. కజికిస్తాన్‌కు చెందిన నాలుగో సీడ్ రిబకినాపై సంచలన విజయం సాధించింది. మైదానంలో ఇద్దరి ఆటగాళ్ల మధ్య హోరాహోరీ పోరు సాగింది. ఆది నుంచి ప్రతీ పాయింట్ ఇరువురు ఆటగాళ్లకు కీలకమైంది.

ALSO READ: వరల్డ్ కప్‌లో భారత్ బోణి

తొలిసెట్ నుంచి సునాయశంగా గెలుచుకున్న ఫౌలీ, రెండో సెట్‌లో మాత్రం రిబకినా నుంచి ప్రతిఘటన ఎదురైంది. పరిస్థితి గమనించిన పౌలీ, తన ఆట స్ట్రాటజీని మార్చేసింది. ఏ మాత్రం ఛాన్స్ ఇవ్వకుండా మూడో సెట్‌లో విజయం సాధించి సెమీస్‌కు అర్హత సాధించింది ఫౌలీ.