CSK: చెన్నై దూకుడు మామూలుగా లేదు. సూపర్ కింగ్స్ మళ్లీ అదరగొట్టారు. ఢిల్లీతో జరిగిన మ్యాచ్లో 77 రన్స్ తేడాతో ఘన విజయం సాధించారు. క్యాపిటల్స్పై నెగ్గి.. ప్లే ఆఫ్స్కి చేరారు.
CSK విసిరిన 224 పరుగుల భారీ టార్గెట్ను కొట్టలేక ఢిల్లీ చేతులెత్తేసింది. 146 పరుగులకే ఔట్ అయింది. ఢిల్లీ టీమ్లో డేవిడ్ వార్నర్ (86; 58 బంతుల్లో 7 ఫోర్లు, 5 సిక్స్లు) మాత్రం అదరగొట్టాడు. యశ్ ధుల్ (13), అక్షర్ పటేల్ (15) మాత్రమే డబుల్ డిజిట్ స్కోరు సాధించారు. పృథ్వీ షా (5) మళ్లీ తుస్సుమనిపించాడు. ఫిలిప్ సాల్ట్ (3), రొసో (0), అమన్ ఖాన్ (7), లలిత్ యాదవ్ (6), నోకియా (0), కుల్దీప్ యాదవ్ (0) అంతా ఇలా వచ్చి అలా వెళ్లిపోయారు. చెత్త బ్యాటింగ్తో చిత్తుగా ఓడిపోయింది ఢిల్లీ క్యాపిటల్స్.
చెన్నై బౌలర్లలో దీపక్ చాహర్ 3 వికెట్లు తీశాడు. పతిరణ 2, మహీశ్ తీక్షణ 2, రవీంద్ర జడేజా, తుషార్ దేశ్పాండే తలా ఒక్కో వికెట్ పడగొట్టారు.
ఫస్ట్ బ్యాటింగ్ చేసిన చెన్నై ఓపెనర్లు చెలరేగిపోయారు. ఢిల్లీ బౌలింగ్ను ఆటాడుకున్నారు. రుతురాజ్ గైక్వాడ్ (79; 50 బంతుల్లో 3 ఫోర్లు, 7 సిక్స్లు), డేవాన్ కాన్వే (87; 52 బంతుల్లో 11 ఫోర్లు, 3 సిక్స్లు) లు రబ్బర్ బాల్తో ఆడినట్టు ఆటాడుకున్నారు. చివర్లో శివమ్ దూబె (22; 9 బంతుల్లో 3 సిక్స్లు), రవీంద్ర జడేజా (20*; 7 బంతుల్లో 3 ఫోర్లు, 1 సిక్స్) సైతం భారీ షాట్లు కొట్టడంతో.. 20 ఓవర్లలో 3 వికెట్లు కోల్పోయి.. 223 రన్స్ చేసింది సీఎస్కే.
ఢిల్లీ బౌలర్లంతా భారీగా పరుగులు ఇచ్చారు. ఖలీల్ అహ్మద్, నోకియా, చేతన్ సకారియా ఒక్కో వికెట్ తీశారు.