Alexander Zverev: జర్మనీకి చెందిన స్టార్ టెన్నిస్ ప్లేయర్ అలెగ్జాండర్ జ్వెరెవ్కు వింత అనుభవం ఎదురైంది. ఆస్ట్రేలియన్ ఓపెన్ గ్రాండ్స్లామ్లో భాగంగా మ్యాచ్ జరగుతున్న సమయంలో ఓ పిట్ట అతని తలపై రెట్ట వేసింది. దీంతో అతను ఆట మధ్యలో పక్కకు వెళ్లి టవల్తో తుడుచుకొని మ్యాచ్ను కంటిన్యూ చేశాడు. తొలి సెట్లో టైబ్రేక్ ఆడుతున్న సమయంలో ఈ ఘటన జరిగింది. ప్రస్తుతం ఇందుకు సంబంధించిన వీడియో సోషల్ మీడియాలో వైరలవుతోంది. వీడియో చూసిన నెటిజన్లు ఫన్నీ కామెంట్లు చేస్తున్నారు.
ఇక ఈ టోర్నీలో జ్వెరెవ్ అమెరికాకు చెందిన అన్సీడెడ్ మైకెల్ మోహ్ చేతిలో ఓటమి పాలై ఇంటి బాట పట్టాడు. 6-7, 6-4, 6-3, 6-2 పాయింట్ల తేడాతో ఓడిపోయాడు. మొదటి సెట్ను సొంతం చేసుకున్న జ్వెరెన్ ఆ తర్వాత ఏ సెట్లోనూ రాణించలేకపోయాడు.