ఇవేవీ కాదంటే.  ఎలాగూ వయసైపోయింది కదా.. ఆడినంత కాలం ఆడి, తట్టా బుట్టా సర్దేద్దామనే ధోరణిలో ఉన్నారా? అని కొందరు వ్యాఖ్యానిస్తున్నారు.

ఇక మూడో కారణం ఏమిటంటే.. శ్రీలంక జట్టు ఎంత.? ఉఫ్ మని ఊదేద్దామని అనుకున్నారా? ఆ ఓవర్ కాన్ఫిడెన్స్ ఏమైనా కొంప ముంచిందా? అని అనుమానాలు వ్యక్తం చేస్తున్నారు.

ఒకటంటే అనుకోవచ్చు, రెండు వన్డేల్లో కూడా అందరూ అదే రీతిలో తడబడటం చూస్తుంటే, ప్రాక్టీస్ తగ్గిందనేది మాత్రం నిజం అంటున్నారు. మొదటి వన్డే తరహాలోనే, రెండో వన్డేలో కూడా ఐదుగురు ఎల్బీలుగా వెనుతిరిగారు.

శ్రీలంక వికెట్ ఎటాకింగ్ చేస్తుంటే, మనవాళ్లు ఆడటమే రాదన్నట్టు ఆఢుతుంటే, అది చూసి అభిమానులు తలలు పట్టుకుంటున్నారు. ఇకపోతే  ఫామ్ లో లేని శ్రీలంక జట్టు టీమ్ ఇండియాపై బ్యాటింగు చేస్తూ అలవోకగా 230, 240 పరుగులు చేసేస్తోంది.

Also Read: ఏడుస్తూ ఒలింపిక్స్ నుంచి తప్పుకున్న మారిన్

ఈ మధ్యలో కోచ్ గౌతంగంభీర్ అనవసర ప్రయోగాలు జట్టు విజయాలపై ప్రభావం చూపిస్తున్నాయని అంటున్నారు. మొదటి వన్డేలో గిల్ బౌలింగు వేసి 14 పరుగులిచ్చాడు. ఆ ప్రయోగం ఆపి ఉంటే, టీమ్ ఇండియా ఒక్క పరుగుతో గెలిచేది. ఇక రెండో వన్డేలో సెకండ్ డౌన్ శివమ్ దుబె వచ్చాడు. తర్వాత అక్షర్ పటేల్ వచ్చాడు. ఆ తర్వాత శ్రేయాస్, ఆ తర్వాత రాహుల్ ఇలా వచ్చారు.

ఇలా బ్యాటర్ల ఆర్డర్ మార్చడమంటే, ఆటగాళ్ల మైండ్ సెట్ మార్చడమేననే సంగతి అందరికీ తెలిసిందే. ఇదీ కరెక్ట్ కాదని అంటున్నారు. ఇకపోతే ఐపీఎల్ లో ధనాధన్ ఆడిన శివమ్ దూబె, అంతర్జాతీయ మ్యాచ్ ల్లో తేలిపోతున్నాడు. సీనియర్లందరూ మళ్లీ వచ్చారని సంతోషపడిన భారత అభిమానుల ఆనందం ఎంతో సేపు నిలవలేదు. మరి ఆగస్టు 7న జరిగే చివరి మూడో వన్డేలో.. మన మొనగాళ్లకు మొనగాళ్లు ఎలా ఆడతారో వేచి చూడాల్సిందే.