Xenobots:- రోబోటిక్స్ అనేది ప్రస్తుతం సైన్స్ అండ్ టెక్నాలజీకి సంబంధించి స్పీడ్‌గా అభివృద్ధి చెందుతున్న రంగాల్లో ఒకటి. కొత్త కొత్త రోబోలను తయారు చేయడంతో పాటు వాటిని మనుషులకు దగ్గర చేసే ప్రయత్నంలో పూర్తిగా నిమగ్నమయి ఉన్నారు శాస్త్రవేత్తలు. ఇప్పటికే ఎన్నో రంగాల్లో మనుషులతో సమానంగా రోబోలు కూడా పనిచేయడం మొదలుపెట్టాయి. అయితే రోబోల తయారీలో కూడా కొత్త రికార్డులు సృష్టించాలని శాస్త్రవేత్తలు భావిస్తున్నారు.
రోబో అనగానే చాలామందికి చెప్పింది చేసే ఒక యంత్రం లాగానే అనిపిస్తుంది. మనం చెప్పిన మాటలు వింటూ, మనం చెప్పింది చెప్పినట్టుగా చేసే ఒక యంత్రం. ఒక్కొక్కసారి ఈ యంత్రం మనతో మాట్లాడుతూ, మనకు మంచి తోడుగా కూడా ఉంటుంది. అంతే కాకుండా ఒక్కొక్కసారి దీని తెలివి చూసి మనకే ఆశ్చర్యం వేస్తుంది. అలా అని దీనికి ఒక జీవితం ఉంది అనవచ్చా అంటే కాదనే చెప్తారు శాస్త్రవేత్తలు. మరి రోబోలకు కూడా ఒక జీవితం ఉంది అనిపించాలంటే ఏం చేయాలి అనే సందేహం శాస్త్రవేత్తలకు వచ్చింది.
ప్రస్తుతం రోబోలు అనేవి కేవలం ఎలక్ట్రానిక్ మెటీరియల్స్‌తోనే తయారు చేస్తాం. అలా కాకుండా వాటిని నేచురల్ సెల్స్‌తో తయారు చేస్తే.. అది కూడా బతికున్న వాటి సెల్స్‌తో తయారు చేస్తే.. ఎలా ఉంటుంది అనే ఆలోచన శాస్త్రవేత్తలకు వచ్చింది. అందుకే ఆ దిశగా అడుగువేశారు అమెరికా శాస్త్రవేత్తలు. గత నాలుగేళ్లుగా ఈ కోణంలోనే పరీక్షలు చేస్తూ రోబోలకు ప్రాణం పోయాలని చూస్తున్నారు. శాస్త్రవేత్తలు తయారు చేస్తున్న ఈ కొత్త రకం రోబోల పేరే ‘గ్జెనోబోట్స్’.
బతికున్న కప్పల నుండి సెల్స్‌ను తీసుకొని గ్జెనోబోట్స్‌ను తయారు చేశారు శాస్త్రవేత్తలు. ఒకవేళ మెటల్, ప్లాస్టిక్స్‌తో తయారు చేస్తే ఆ రోబోలకు వాటంతట వాటికి జ్ఞానం అనేది రాదు. అందుకే ఒక బతికున్న జీవి సెల్స్‌ను తీసుకొని రోబోలకు నేచురల్‌గా ఆలోచించే శక్తిని ఇవ్వడానికి ప్రయత్నించామని శాస్త్రవేత్తలు బయటపెట్టారు. ఈ సెల్స్ అనేవి రోబోలు వాటంతట అవే కదలడానికి, సొంతంగా ఆలోచించడానికి ఉపయోగపడతాయని అన్నారు. త్వరలోనే ఈ రోబోలు రీప్రొడక్షన్‌ కూడా చేసేలా మారుస్తామని వారు చెప్తున్నారు. ప్రస్తుతం గ్జెనోబోట్స్ ఇంకా డెవలప్‌మెంట్ స్టేజ్‌లోనే ఉన్నాయని తెలుస్తోంది.
Share
Ubili Basavanna:- శ్రీశైలంలో ఉబిలి బసవన్న జాడ కనిపిస్తోందా….
Agent Movie:- అఖిల్‌తో ఊర్వ‌శీ రౌతేలా స్పెష‌ల్ నెంబ‌ర్‌
