Vivo V40 Launched in India : ప్రముఖ స్మార్ట్‌ఫోన్ బ్రాండ్ Vivo భారతదేశంలో Vivo V40 సిరీస్‌ను ఎట్టకేలకు లాంచ్ చేసింది. ఎప్పటి నుంచో ఈ ఫోన్ల కోసం ఎదురుచూస్తున్న వారి ఆశలు ఫలించాయి. ఈ సిరీస్‌లో రెండు కొత్త ఫోన్లు రిలీజ్ చేయబడ్డాయి. అందులో Vivo V40, Vivo V40 Pro స్మార్ట్‌ఫోన్లు లాంచ్ అయ్యాయి. ఈ Vivo ఫోన్‌లు క్లాసిక్ అల్ట్రా-బాడీ అండ్ డిజైన్‌తో ఆకర్షణీయంగా కనిపిస్తున్నాయి. Vivo కెమెరాల స్థాయిలో కూడా ఆకట్టుకోవడానికి ప్రయత్నించింది. ఇందులో భాగంగానే కంపెనీ Zeiss టెక్నాలజీతో కెమెరా లెన్స్‌ను సెటప్ చేసింది. ఇప్పుడు Vivo V40, Vivo V40 Pro ధర, స్పెసిఫికేషన్‌ల వివరాలు పూర్తిగా తెలుసుకుందాం.

Vivo V40, Vivo V40 Pro India Price

Vivo V40 మూడు వేరియంట్లలో లాంచ్ అయింది. అందులో 8+128 GB వేరియంట్ ధర రూ. 34,999, 8+256 GB వేరియంట్ ధర రూ. 36,999, 12+512 GB వేరియంట్ ధర రూ. 41,999గా కంపెనీ నిర్ణయించింది. అదే సమయంలో Vivo V40 Pro కూడా రెండు వేరియంట్లలో లాంచ్ అయింది. అందులో 8+256 GB వేరియంట్ ధర రూ.49,999, 12+512 GB వేరియంట్‌ను రూ. 55,999కి కొనుగోలు చేయవచ్చు. ఈ రెండు ఫోన్లను vivo.com, Flipkart, ఆఫ్‌లైన్ స్టోర్‌లలో ప్రీ-బుకింగ్ చేసుకోవచ్చు. ఆగస్టు 13 నుంచి సేల్ ప్రారంభం కానుంది. SBI, HDFC కార్డ్ హోల్డర్లు 10 శాతం తక్షణ తగ్గింపు పొందవచ్చు. ఈ ఫోన్లు మీటోర్ బ్లూ, మూన్‌లైట్ వైట్, స్టెల్లార్ సిల్వర్ కలర్స్‌లో వస్తాయి.

Also Read: పిచ్చెక్కించే ఫొటోల ఫోన్.. వివో అంటే ఆ మాత్రం ఉంటుంది మరి..!

Vivo V40 Specifications

Vivo V40 స్మార్ట్‌ఫోన్ 6.78 అంగుళాల AMOLED డిస్‌ప్లేను కలిగి ఉంది. దీని రిజల్యూషన్ 1260 x 2800 పిక్సెల్స్. ఇది HDR10+ సపోర్ట్, 4500 nits గరిష్ట ప్రకాశం, 120Hz రిఫ్రెష్ రేట్‌ను కూడా అందిస్తుంది. Vivo V40 సరికొత్త Android 14 పై రన్ అవుతుంది. Qualcomm Snapdragon 7 Gen3 ప్రాసెసర్‌ని ఇందులో ఇన్‌స్టాల్ చేశారు. Vivo V40లో డ్యూయల్ రియర్ కెమెరా సెటప్ ఉంది. ప్రధాన సెన్సార్ 50 MP, 50 MP అల్ట్రావైడ్ లెన్స్‌తో పాటు ఆప్టికల్ ఇమేజ్ స్టెబిలైజేషన్ (OIS)కి మద్దతు ఇస్తుంది. ఇందులో 50 ఎంపీ ఫ్రంట్ కెమెరా కూడా ఉంది. Vivo V40 5500 mAh బ్యాటరీని కలిగి ఉంది. ఇది 80W ఫాస్ట్ ఛార్జింగ్‌కు మద్దతు ఇస్తుంది.

Vivo V40 Pro Specifications

Vivo V40 Pro స్మార్ట్‌ఫోన్ 6.78 అంగుళాల AMOLED డిస్‌ప్లేను కలిగి ఉంది. ఇది HDR10+ మద్దతుతో 120Hz రిఫ్రెష్ రేట్‌ను అందిస్తుంది. డిస్‌ప్లే గరిష్ట ప్రకాశం 4500 నిట్‌లు కలిగి ఉంది. Vivo V40 Pro Funtouch 14తో లేయర్డ్ అయిన Android 14 OSపై రన్ అవుతుంది. MediaTek Dimension 9200+ ప్రాసెసర్ ఇందులో ఇన్‌స్టాల్ చేయబడింది. ఇది గరిష్టంగా 12 GB RAM + 512 GB స్టోరేజ్‌ను కలిగి ఉంది.

Also Read:  వివో నుంచి బడ్జెట్ ఫోన్.. కేవలం రూ.7999లకే లాంచ్..

Vivo V40 Pro ట్రిపుల్ రియర్ కెమెరా సెటప్‌ను కలిగి ఉంది. ప్రధాన సెన్సార్ 50MP వైడ్ లెన్స్, 50MP టెలిఫోటో లెన్స్ కూడా అందించబడింది. ఇది 2x ఆప్టికల్ జూమ్‌కు మద్దతు ఇస్తుంది. మూడవ కెమెరా కూడా 50MP అల్ట్రా-వైడ్ లెన్స్‌తో వచ్చింది. అన్ని కెమెరాలు Zeiss కోటింగ్‌తో వస్తాయి. అలాగే OIS మద్దతుతో సహా అనేక ఫీచర్లను అందిస్తాయి. ఈ ఫోన్‌లో 50 MP ఫ్రంట్ కెమెరా ఉంది. ఇది 4K వీడియో రికార్డింగ్‌ను అనుమతిస్తుంది. Vivo V40 Pro 5500 mAh బ్యాటరీని కలిగి ఉంది. ఇది 80W వైర్డ్ ఛార్జింగ్, రివర్స్ వైర్డ్ ఛార్జింగ్‌కు మద్దతు ఇస్తుంది. ఫోన్‌లో అండర్ డిస్‌ప్లే ఫింగర్‌ప్రింట్ సెన్సార్ అందించబడింది. ఇందులో వాటర్ అండ్ రెసిస్టెన్సీ కోసం IP68 రేటింగ్‌ను పొందింది.

Share

• 
• 
• 
• 
• 
•