Vivo V30 Lite 4G Price and Specifications: వివో ప్రముఖ స్మార్ట్ఫోన్ కంపెనీల్లో ఒకటిగా ఉంది. వివో నుంచి మార్కెట్లోకి కొత్త ఫోన్లు వస్తున్నాయంటే.. మొబైల్ లవర్స్ ఆసక్తిగా ఎదురుచూస్తుంటారు. ఎందుకంటే ఈ కంపెనీ ఫోన్లకు భారత మార్కెట్లో డిమాండ్ అంతలా ఉంటుంది. వివో నుంచి వచ్చే ప్రతి ఫోన్ కూడా అద్భుతమైన ఫీచర్లు, కెమెరాతో వస్తుంటాయి. అయితే Vivo ఇటీవలే కొన్ని మార్కెట్లలో V30 Lite 5Gని విడుదల చేసింది. ఇప్పుడు కంపెనీ ఈ ఫోన్ యొక్క 4G వేరియంట్ను కూడా తీసుకొచ్చింది. దీన్ని Vivo V30 Lite 4G పేరుతో విడుదల చేశారు. ఇప్పుడు ఈ ఫోన్ ధర, డిస్ప్లే తదితర విషయాల గురించి తెలుసుకోండి.
Vivo V30 Lite 4G ధర, స్టోరేజ్
తాజాగా విడుదలైన Vivo V30 Lite 4G బ్లాక్, గ్రీన్ రంగులలో అందుబాటులో ఉంటుంది. దీని 8GB + 128GB స్టోరేజ్ వేరియంట్ను రష్యాలో సంస్థ రిలీజ్ చేసింది. అంతేకాకుండా కంబోడియాలో 256 GB స్టోరేజ్ వేరియంట్ విడుదల చేశారు. రష్యాలో దీని ధర సుమారు రూ. 22,512గా ఉంది. అలానే కంబోడియాలో సుమారు రూ. 24,717గా నిర్ణయించారు.
Also Read: రియల్ మీ నుంచి బడ్జెట్ ఫ్రెండ్లీ స్మార్ట్ఫోన్.. ప్రైజ్పై ఓ లుక్కేయండి!
Vivo V30 Lite 4G స్పెసిఫికేషన్లు
ఈ ఫోన్ 6.67 అంగుళాల FHD+ E4 AMOLED డిస్ప్లేను కలిగి ఉంది. డిస్ప్లే గరిష్టంగా 1800 నిట్ల బ్రైట్నెస్ ఇస్తుంది. అంతేకాకుండా ఇది 120hz రిఫ్రెష్ రేట్కు సపోర్ట్ ఇస్తుంది. ఫోన్ Qualcomm స్నాప్డ్రాగన్ 685 చిప్సెట్తో పనిచేస్తుంది. ఇది Android 14 ఆధారిత Funtouch OSను కలిగి ఉంటుంది.
ఈ ఫోన్లో LED ఫ్లాష్ యూనిట్తో కూడిన బ్యాక్ డ్యూయల్ కెమెరా సెటప్ ఉంటుంది. ఇందులో 50 మెగాపిక్సెల్ ప్రైమరీ సెన్సార్ కెమెరా, 2 మెగాపిక్సెల్ సెకండరీ సెన్సార్ కెమెరా ఉంది. సెల్ఫీ కోసం 8 మెగాపిక్సెల్ సెన్సార్ కెమెరా అందించారు. ఇందులో 5,000 mAh బ్యాటరీ ఉంది. ఇది 80 వాట్ల ఫాస్ట్ ఛార్జింగ్కు సపోర్ట్ చేస్తుంది. ఫోన్ IP54 రేటింగ్తో వస్తుంది.
ఇది ఇన్-స్క్రీన్ ఫింగర్ ప్రింట్ స్కానర్, 4G VoLTE, బ్లూటూత్ 5.0, Wi-Fi మరియు GPS మద్దతును కలిగి ఉంది. ఇది కాకుండా, వినియోగదారులు మైక్రో SD ద్వారా నిల్వను పెంచుకోవచ్చు.
Also Read: వివో నుంచి మరో కొత్త ఫోన్.. కెవ్ అనిపిస్తున్న ఫీచర్లు!
V30 Lite 4G vs V30 Lite 5G
ఈ రెండు ఫోన్ల గురించి చెప్పాలంటే.. స్నాప్డ్రాగన్ 695 చిప్సెట్ 5G వేరియంట్లో ఇవ్వబడింది. సౌదీ అరేబియా వేరియంట్లో స్నాప్డ్రాగన్ 4 Gen 2 SoC ప్రాసెసర్ ఉంది. స్నాప్డ్రాగన్ 685 చిప్సెట్ 4G వేరియంట్లో అందుబాటులో ఉంది. 5G ఫోన్లో సెల్ఫీల కోసం 50-మెగాపిక్సెల్ సెన్సార్ ఉంది. కానీ 4Gలో 8MP ఫ్రంట్ ఫేసింగ్ కెమెరా ఉంది. ఇది 120Hz రిఫ్రెష్ రేట్కు మద్దతు ఇచ్చే AMOLED డిస్ప్లేను కలిగి ఉంది. ఫోన్ 80వా ఫాస్ట్ ఛార్జింగ్ని సపోర్ట్ చేస్తుంది.