Samsung Galaxy S24 FE vs Samsung Galaxy S23 FE : ప్రపంచ వ్యాప్తంగా ఆన్​లైన్ సేల్ మార్కెట్​లో స్మార్ట్ ఫోన్లకు ఉండే గిరాకీ చాలా ఎక్కువగా ఉంటుంది. ముఖ్యంగా భారత మార్కెట్లో మరింత డిమాండ్ ఎక్కువ. అందుకే ఆయా స్మార్ట్ ఫోన్ కంపెనీలు ఎప్పటికప్పుడు సరికొత్త మోడళ్లను విడుదల చేసి వినియోగదారులను ఆకర్షిస్తుంటాయి. అయితే వీటిలో శాంసంగ్​ డివైజ్​లకు ప్రత్యేక ఫ్యాన్​ బేస్​ ఉంటుందన్న సంగతి తెలిసిందే.

ఎందుకంటే ఈ ప్రముఖ ఎలక్ట్రానిక్‌ ఉత్పత్తుల సంస్థ ఆకర్షణీయమైన డిజైన్‌తో సూపర్ ఫీచర్స్​తో తమ లేటెస్ట్​ స్మార్ట్ ఫోన్లను లాంఛ్ చేస్తుంటుంది. అలా ఇప్పుడు రీసెంట్​గా విడుదలైన శాంసంగ్​ గెలాక్సీ ఎస్ ​24 ఎఫ్​ఈకు మార్కెట్​లో మంచి డిమాండ్ ​ ఉంది. అయితే అంతకుముందే గతేడాది శాంసంగ్​ గెలాక్సీ ఎస్ 23 ఎఫ్​ఈ లాంఛ్​ అయింది. దీంతో చాలా మంది ఈ రెండింటిలో ఏది కొంటే బెటర్​? అని శాంసంగ్ ప్రియులు, వినియోగదారుల్లో చిన్న గందరగోళం​ నెలకొంది. అందుకే మన కథనంలో ఈ స్మార్ట్ ఫోన్లను కంపేర్ చేసి, ఏది బెస్ట్​? ఏది వాల్యూ ఫర్​ మనీ? ఫీచర్స్ ఎలా ఉన్నాయి? ఎందులో ఎక్కువ ఉన్నాయి? వంటి వివరాలను స్పష్టంగా తెలుసుకుందాం. తద్వారా ఏది కొనాలో ఎంచక్కా ఓ స్పష్టతకు రావొచ్చు.

ALSO READ : ఆహా ఏమి ఆఫర్… ఐపాడ్, ల్యాప్​టాప్​, మ్యాక్​బుక్స్​ – ఇప్పుడు కొనకపోతే ఇంకెప్పుడు కోనలేరేమో!

Samsung Galaxy S 24 FE VS Samsung Galaxy S 23 FE

డిస్​ప్లే, డివైస్​ ఎలా ఉందంటే? – మొదటగా ఈ రెండు స్మార్ట్​ ఫోన్ల డిజైన్​, డిస్ ప్లే గురించి తెలుసుకుందాం. శాంసంగ్​ గెలాక్సీ ఎస్ 24 ఎఫ్​ఈ, గెలాక్సీ ఎస్ 23 ఎఫ్​ఈ గ్లాస్ రియర్ ప్యానెల్, అల్యూమినియం ఫ్రేమ్​ డిజైన్​తో వచ్చాయి. అయితే గెలాక్సీ ఎస్ 24 ఎఫ్ఈ బాక్సీ డిజైన్, కర్వ్డ్ ఎడ్జెస్​తో ఫ్లాగ్షిప్ గెలాక్సీ ఎస్ 24లాగా ఉంటుంది. ఇక ఈ రెండు స్మార్ట్​ ఫోన్లు ఐపీ 68 రేటింగ్​ను కలిగి ఉన్నాయి.

గెలాక్సీ ఎస్ 24 ఎఫ్​ఈ 6.69 అంగుళాల​ డైనమిక్ అమోలెడ్ 2 ఎక్స్ డిస్​ప్లే, 120Hz రిఫ్రెష్ రేట్, 1900 నిట్స్ పీక్ బ్రైట్​నెస్​తో వచ్చింది. ఇక గతేడాది విడుదలైన గెలాక్సీ ఎస్ 23 ఎఫ్ఈ 6.4 అంగుళాల​ డైనమిక్ అమోలెడ్ 2 ఎక్స్ డిస్​ప్లే, 120 Hz రిఫ్రెష్ రేట్, 1450 నిట్స్ పీక్ బ్రైట్​నెస్​తో వచ్చింది.

కెమెరా ఫీచర్స్ ఇవే​ – Galaxy S 24 FE, Galaxy S 23 FE.. రెండు కూడా ట్రిపుల్ కెమెరా సెటప్​తో లాంఛ్ అయ్యాయి. కెమెరా మంచి క్వాలిటీతో పని చేస్తుంది. వీటిలో వెనకవైపు 50 మెగా పిక్సెల్ ఆప్టికల్‌ ఇమేజ్‌ స్టెబిలైజేషన్‌తో మెయిన్ కెమెరా ఉంది. 8 మెగా పిక్సెల్ టెలిఫోటో లెన్స్ కూడా ఉండటం విశేషం. 12 ఎంపీ అల్ట్రా వైడ్‌ యాంగిల్‌ కెమెరా కూడా ఇచ్చారు. సెల్ఫీల కోసం ఫ్రంట్ సైడ్ రెండు స్మార్ట్ ​ఫోన్స్​ 10 మెగా పిక్సెల్ పంచ్ ​హోల్​ సెల్ఫీ కెమెరాను అమర్చారు.

బ్యాటరీ, పెర్ఫార్మెన్స్ ఎలా ఉందంటే? ​- బ్యాటరీ సామర్థ్యం విషయానికొస్తే గెలాక్సీ ఎస్ 24 ఎఫ్ఈలో 4,700 ఎంఏహెచ్​ బ్యాటరీ ఉండగా, ఎస్ ​23 ఎఫ్​ఈలో 4,500 ఎంఏహెచ్ బ్యాటరీని అమర్చారు. ఈ రెండు స్మార్ట్​ఫోన్స్​ 25 వాట్ ఛార్జ్​ను సపోర్ట్ చేస్తాయి.

ఈ రెండు స్మార్ట్ ఫోన్ల పనితీరును, స్పెసిఫికేషన్లను పోల్చినప్పుడు గణనీయమైన వ్యత్యాసం కనిపిస్తోంది. గెలాక్సీ ఎస్24 ఎఫ్ఈలో 8 GB ర్యామ్, 256 GB వరకు స్టోరేజ్​ ఉంది. అలానే ఎక్సినోస్ 2400ఈ ఎస్ఓసీ ఉంది. బెస్ట్ గ్రాఫిక్స్ ఇంటెన్సివ్ టాస్క్​ కోసం ఎక్స్​క్లిప్స్​ 940 GPUను ఇచ్చారు. గెలాక్సీ ఎస్ 23 ఎఫ్​ఈ 8 GB ర్యామ్ – 256 GB స్టోరేజ్​తో పని చేస్తుంది. ఎక్సినోస్ 2200 ఎస్ఓసితో పాటు ఎక్స్​క్లిప్స్​ 920 జీపీయూను అమర్చారు.

ధర ఎంత ఉందంటే? – శాంసంగ్ Galaxy S 24 FE 8 జీబీ + 128 జీబీ వేరియంట్ ప్రారంభ ధర రూ.59,999గా ఉంది. శాంసంగ్ Galaxy S 23 FE ప్రారంభ ధర రూ.54,999గా నిర్ణయించారు. మొత్తానికి ఈ రెండు స్మార్ట్ ఫోన్లు మంచిగా పని చేస్తాయని చెప్పొచ్చు.

Share

• 
• 
• 
• 
• 
•