Realme 13 Pro Extreme Edition Price: ఎప్పటి నుంచో పలు స్పెసిఫికేషన్లతో వార్తల్లో నిలుస్తున్న Realme 13 Pro Extreme Edition తాజాగా లాంచ్ అయింది. కంపెనీ ఈ ఫోన్ను చైనాలో ఆవిష్కరించింది. ఈ హ్యాండ్సెట్ Qualcomm స్నాప్డ్రాగన్ 7s Gen 2 చిప్సెట్తో వచ్చింది. ఇందులో గరిష్టంగా 12GB RAMను అందించారు. ఈ స్మార్ట్ఫోన్ 45W వైర్డ్ ఫాస్ట్ ఛార్జింగ్కు మద్దతుతో 5200mAh బ్యాటరీని కలిగి ఉంది. ఇది డ్యూయల్ రియర్ కెమెరాతో అమర్చబడింది. అలాగే బయోమెట్రిక్ కోసం ఇందులో ఆప్టికల్ ఇన్-డిస్ప్లే ఫింగర్ ప్రింట్ సెన్సార్ను అందించారు. ఈ మొబైల్ గ్లాస్ ఫినిషింగ్తో వస్తుంది. అలాగే వేగన్ లెదర్ ఫినిషింగ్లో కూడా అందుబాటులో ఉంది. అయితే కంపెనీ Realme 13 Pro+ అండ్ Realme 13 Pro స్మార్ట్ఫోన్లను జూలైలో భారతదేశంలో పరిచయం చేసింది. ఇప్పుడు ఈ మోడల్ సిరీస్లో కొత్తగా ప్రారంభించిన Realme 13 Pro ఎక్స్ట్రీమ్ ఎడిషన్తో పాటుగా Realme 13 ప్రో+ వెర్షన్ మాత్రమే అందుబాటులో ఉంది.
Realme 13 Pro Extreme Edition Specifications
చైనాలో కొత్తగా లాంచ్ అయిన Realme 13 Pro Extreme Edition స్మార్ట్ఫోన్ 6.7-అంగుళాల పూర్తి-HD+ (1,080 x 2,412 పిక్సెల్లు) OLED స్క్రీన్తో 120Hz రిఫ్రెష్ రేట్, 2000nits పీక్ బ్రైట్నెస్, SGS AI ఐ ప్రొటెక్షన్ స్క్రీన్ సర్టిఫికేషన్ను కలిగి ఉంది. అలాగే ఈ హ్యాండ్సెట్ స్నాప్డ్రాగన్ 7s Gen 2 చిప్సెట్తో 12GB RAM + 512GB వరకు ఆన్బోర్డ్ స్టోరేజ్తో వస్తుంది. ఆండ్రాయిడ్ 14 ఆధారిత Realme UI 5.0తో ఫోన్ షిప్పింగ్ చేయబడింది.
ఇక కెమెరా విషయానికొస్తే.. ఈ హ్యాండ్సెట్లో 8 మెగాపిక్సెల్ అల్ట్రా-వైడ్ కెమెరాతో పాటు ఆప్టికల్ ఇమేజ్ స్టెబిలైజేషన్ (OIS)తో సోనీ LYT-600 ప్రైమరీ సెన్సార్తో 50-మెగాపిక్సెల్ కెమెరా అమర్చబడింది. అదే సమయంలో సెల్ఫీల కోసం ఫోన్ ముందు భాగంలో 32-మెగాపిక్సెల్ ఫ్రంట్ ఫేసింగ్ కెమెరా అందించబడింది. అంతేకాకుండా Realme 13 Pro ఎక్స్ట్రీమ్ ఎడిషన్లో 45W వైర్డ్ ఫాస్ట్ ఛార్జింగ్ సపోర్ట్తో 5200mAh బ్యాటరీ అమర్చబడింది.
Also Read: అసలుసిసలైన ఫోన్.. వన్ప్లస్ నుంచి మరో సిరీస్.. డిజైన్, ఫీచర్లు కుమ్మేసాయ్..!
ఇక ఫోన్ కనెక్టివిటీ ఆప్షన్లలో 5G, 4G LTE, Wi-Fi, GPS, NFC, బ్లూటూత్ 5.2, USB టైప్-C పోర్ట్ వంటివి ఉన్నాయి. ఈ హ్యాండ్సెట్ వాటర్ అండ్ డస్ట్ రెసిస్టెన్సీ కోసం IP65 రేటింగ్తో పాటు SGS యాంటీ-డ్రాప్ సర్టిఫికేషన్ను కలిగి ఉంది. సేఫ్టీ కోసం ఫోన్ డిస్ప్లే ఆప్టికల్ ఫింగర్ ప్రింట్ సెన్సార్ను కలిగి ఉంటుంది.
Realme 13 Pro Extreme Edition Price
Realme 13 Pro Extreme Edition ధర విషయానికొస్తే.. ఇందులో 12GB + 256GB ఆప్షన్ CNY 2,099 (సుమారు రూ. 24,700) నుండి ప్రారంభమవుతుంది. అదే సమయంలో 12GB + 512GB వేరియంట్ CNY 2,399 (సుమారు రూ. 28,300) ధర వద్ద లభిస్తుంది. ఈ స్మార్ట్ఫోన్ చైనాలో Realme అఫీషియల్ వెబ్సైట్ ద్వారా కొనుక్కోవచ్చు. ఇది లేక్ గ్రీన్, మోనెట్ పర్పుల్ కలర్లలో అందించబడుతుంది.