Oppo F27 5G Specifications Leaked: స్మార్ట్ఫోన్ల తయారీ కంపెనీ ఒప్పో దేశీయ మార్కెట్లో హవా చూపిస్తోంది. తరచూ కొత్త కొత్త ఫోన్లను లాంచ్ చేస్తూ అందరి దృష్టిని ఆకట్టుకుంటుంది. ఇప్పటికి దేశీయ మార్కెట్లో చాలా మోడళ్లను పరిచయం చేసింది. ఇక త్వరలో మరొక సరికొత్త మోడల్తో వచ్చేందుకు సన్నాహాలు చేస్తుంది. త్వరలో కంపెనీ తన తదుపరి F-సిరీస్ హ్యాండ్సెట్గా Oppo F27 5G ఫోన్ను భారతదేశంలో ప్రారంభించనుంది.
అయితే ఈ చైనీస్ స్మార్ట్ఫోన్ తయారీదారు ఇంకా కచ్చితమైన లాంచ్ తేదీని వెల్లడించలేదు. అయినప్పటికీ Oppo F27 5G ఫోన్కి సంబంధించిన ఫీచర్లు, ధరతో సహా ఇతర వివరాలు ఆన్లైనలో లీక్ అయ్యాయి. రాబోయే ఎఫ్-సిరీస్ ఫోన్ రెండు ర్యామ్, స్టోరేజ్ కాన్ఫిగరేషన్లలో అందుబాటులో ఉంటుందని తెలుస్తోంది. అలాగే Oppo F27 5G మీడియా టెక్ డైమెన్సిటీ 6300 చిప్సెట్లో రన్ అవుతుందని సమాచారం. హ్యాండ్సెట్ IP64 రేటింగ్ను కలిగి ఉందని.. 5,000mAh బ్యాటరీతో పాటు 50-మెగాపిక్సెల్ ప్రైమరీ రియర్ కెమెరాను కలిగి ఉంటుందని తాజాగా లీక్ అయిన సమాచారం.
Oppo F27 5G Specifications
తాజాగా ఈ కొత్త ఫోన్ స్పెసిఫికేషన్లు లీకయ్యాయి. వాటి ప్రకారం.. Oppo F27 5G ఆండ్రాయిడ్ 14 ఆధారంగా ColorOS 14లో రన్ అవుతుందని తెలుస్తోంది. అలాగే ఇది 120Hz రిఫ్రెష్ రేట్, 2,100 nits పీక్ బ్రైట్నెస్తో 6.67-అంగుళాల ఫుల్-HD+ OLED డిస్ప్లేను కలిగి ఉంటుందని సమాచారం. ఇది MediaTek డైమెన్సిటీ 6300 ప్రాసెసర్తో పాటు 8GB LPDDR4X RAM + 256GB వరకు UFS 2.2 స్టోరేజ్తో అందించబడుతుందని తెలుస్తోంది. Oppo F27 5G కెమెరా విషయానికొస్తే.. 50-మెగాపిక్సెల్ ప్రైమరీ కెమెరా, 2-మెగాపిక్సెల్ పోర్ట్రెయిట్ కెమెరాతో కూడిన డ్యూయల్ రియర్ కెమెరా యూనిట్ను కలిగి ఉంటుందని చెప్పబడింది.
Also Read: అదిరిపోయింది.. 50 ఎంపీ కెమెరా, 5100mAh బ్యాటరీ, బ్లాక్ బస్టర్ ప్రాసెసర్తో ఒప్పో కొత్త ఫోన్ లాంచ్..
ముందు భాగంలో ఇది 32-మెగాపిక్సెల్ సోనీ IMX615 సెల్ఫీ షూటర్ను పొందే అవకాశం ఉంది. అలాగే AI స్టూడియో, AI ఎరేజర్ 2.0, AI స్మార్ట్ ఇమేజ్ మ్యాటింగ్ 2.0 వంటి AI ఫీచర్లు ఇందులో అందించనున్నట్లు తెలుస్తోంది. Oppo F27 5G ఫోన్ 45W SuperVOOC ఫాస్ట్ ఛార్జింగ్ సపోర్ట్తో 5,000mAh బ్యాటరీని ప్యాక్ చేస్తుందని భావిస్తున్నారు. ఇది వాటర్ అండ్ డస్ట్ రెసిస్టెన్సీ కోసం IP64 రేటింగ్ను కలిగి ఉండే అవకాశం ఉంది.
Oppo F27 5G Price
తాజాగా ఈ ఫోన్కి సంబంధించిన ధర వివరాలు లీక్ అయ్యాయి. దాని ప్రకారం.. Oppo F27 5G భారతదేశంలో బేస్ మోడల్ 8GB RAM + 128GB స్టోరేజ్ వేరియంట్ ధర రూ. 22,999గా ఉన్నట్లు తెలుస్తోంది. అదే సమయంలో 8GB RAM + 256GB స్టోరేజీ కలిగిన టాప్-ఆఫ్-ది-లైన్ వేరియంట్ ధర రూ. 24,999గా ఉన్నట్లు సమాచారం. ఇది అంబర్ ఆరెంజ్, ఎమరాల్డ్ గ్రీన్ కలర్స్లో విడుదల కాబోతోంది. కాగా Oppo F27 5G ఆగస్ట్ 18 నుండి సేల్కి అందుబాటులో ఉంటుందని సమాచారం. అదే సమయంలో Oppo తక్షణ క్యాష్బ్యాక్గా రూ.1800 అందిస్తుంది. అలాగే ఆరు నెలల పాటు నో-కాస్ట్ EMI ఎంపిక, వన్-టైమ్ ఫ్రీ స్క్రీన్ రీప్లేస్మెంట్ ఉండే అవకాశం కనిపిస్తుంది.