Open Ai Latest Update : ఓపెన్ ఏఐ సంస్థ మరో బాంబ్ షెల్! జనరేటివ్ ఆర్టిఫిషియల్ ఇంటెలిజెన్స్లో విప్లవాత్మకంగా నిలిచిపోయే టూల్ను ఆవిష్కరించింది. మనం టెక్ట్స్ ఇస్తే చాలు.. షార్ట్ వీడియోలను రూపొందించే అద్భుతమైన సాధనమిది. శాన్ఫ్రాన్సిస్కోకు చెందిన ఓపెన్ ఏఐ సంస్థ టెక్ట్స్-టూ-వీడియో జనరేటర్ సొరను విడుదల చేసింది. అయితే ఈ తరహా టూల్ను రూపొందించడం ఇదే తొలిసారి కాదు. గూగుల్, మెటా, స్టార్టప్ రన్వే ఎంఎల్ వంటి ఇతర కంపెనీలు ఇలాంటి సాంకేతికతను పరిచయం చేశాయి.
read more : చంద్రునిపై సౌండ్ ఉండదు..!
అయితే సొర టూల్ తో రూపొందించిన వీడియోలను చూస్తే అత్యంత క్వాలిటీతో ఉండటం విశేషం. టెక్ట్స్-టూ-వీడియో డిఫ్యూషన్ మోడల్ ద్వారా రూపొందే వీడియోల నిడివి నిమిషమే. కానీ వాస్తవికతకు అతి దగ్గరగా ఉంటాయి. ఓపెన్ ఏఐ సీఈవో శామ్ ఆల్ట్మన్ ఆ వీడియోలను విడుదల చేశారు. సోషల్ మీడియా యూజర్ల నుంచి రిటెన్ ప్రాంప్ట్స్(written prompts) ఐడియాలను ఆహ్వానిస్తూ ఆయనీ వీడియోలను జత చేశారు.
అయితే ఓపెన్ ఏఐ ఆ టూల్కు సంబంధించి వివరాలను పరిమితంగానే వెల్లడించింది. దానిని ఇంకా ప్రజలకు అందుబాటులోకి తీసుకు రాలేదు. క్రియేటివ్ ప్రొఫెషనల్స్కు ఈ టూల్ను ఎంత ప్రయోజనకరంగా తీర్చిదిద్దగలమన్న అంశంపై విజువల్ ఆర్టిస్టులు, డిజైనర్లు, ఫిల్మ్ మేకర్ల నుంచి ఓపెన్ ఏఐ సంస్థ ఫీడ్ బ్యాక్ తీసుకుంటోంది.