Iphone 16 Series Sale Started: అమెరికన్ స్మార్ట్ఫోన్ బ్రాండ్ యాపిల్ ఇటీవలే తన లైనప్లో ఉన్న ఐఫోన్ 16 సిరీస్ను భారతదేశంలో లాంచ్ చేసింది. ఈ లైనప్లో iPhone 16, iPhone 16 Plus, iPhone 16 Pro, iPhone 16 Pro Max వంటి మోడల్లు ఉన్నాయి. ఇవి కొత్త బటన్లు, అప్డేట్ చేయబడిన డిజైన్, మెరుగైన హార్డ్వేరులతో అందుబాటులోకి వచ్చాయి. అయితే ఇప్పుడు ఈ సిరీస్ ఫోన్లు భారతదేశంలో సేల్కు అందుబాటులోకి వచ్చాయి. ఇవాళ్లి నుంచి వీటిని కొనుక్కోవచ్చు. భారతదేశంలోని Apple Saket, Apple BKCలో, అలాగే గుర్తింపు పొందిన రిటైల్ స్టోర్లలో వీటిని కొనుక్కొని ఇంటికి పట్టికెళ్లొచ్చు.
iPhone 16, iPhone 16 Plus Features
iPhone 16, iPhone 16 Plus ఫోన్లు యాక్షన్ బటన్, సరికొత్త కెమెరా కంట్రోల్ బటన్తో వచ్చాయి. అలాగే కొత్త Apple A18 SoCని, స్పేషియల్ క్యాప్చర్ని ఎనేబుల్ చేసే రీడిజైన్ చేయబడిన డ్యూయల్ రియర్ కెమెరా సెటప్ను పొందుతారు. ఈ ఫోన్లు iOS 18 అవుట్-ఆఫ్-ది-బాక్స్లో వస్తాయి. అలాగే iOS 18 అప్డేట్తో Apple ఇంటెలిజెన్స్ ఫీచర్లను పొందేందుకు సిద్ధంగా ఉన్నాయి. ఇక ఐఫోన్ 16 మెరుగైన సిరామిక్ షీల్డ్ ప్రొటెక్షన్ను కలిగి ఉంటుంది.
ఇది 2000నిట్స్ పీక్ బ్రైట్నెస్తో 6.1 అంగుళాల డిస్ప్లేను కలిగి ఉంది. అదే సమయంలో ఐఫోన్ 16 ప్లస్ పెద్ద 6.7-అంగుళాల డిస్ప్లేను కలిగి ఉంది. ఈ రెండు ఫోన్లు 60Hz OLED ప్యానెల్ను మాత్రమే అందిస్తున్నాయి. కెమెరా విషయానికొస్తే.. ఇవి 2x ఇన్-సెన్సర్ జూమ్తో 48-మెగాపిక్సెల్ మెయిన్ రియర్ కెమెరాను, మాక్రో ఫోటోగ్రఫీని ఎనేబుల్ చేసే 12-మెగాపిక్సెల్ అల్ట్రావైడ్ కెమెరాను కలిగి ఉన్నాయి. ఇక ఫోన్ ముందు భాగంలో సెల్ఫీలు, వీడియో కాలింగ్ కోసం 12-మెగాపిక్సెల్ TrueDepth కెమెరాను కలిగి ఉంది.
iPhone 16 Pro, iPhone 16 Pro Max Features
Apple iPhone 16 Pro, iPhone 16 Pro Max స్పెసిఫికేషన్ల విషయానికొస్తే.. ఇవి పెద్ద డిస్ప్లేలు, సన్నని బెజెల్స్ను కలిగి ఉన్నాయి. ప్రో మోడల్లో 6.3-అంగుళాల డిస్ప్లేను అందించారు. అదే సమయంలో ప్రో మాక్స్ 6.9-అంగుళాల డిస్ప్లేను కలిగి ఉంది. ఈ రెండు ఫోన్లు 120Hz రిఫ్రెష్ రేట్, 2,000నిట్స్ బ్రైట్నెస్తో రెటినా XDR OLED ప్యానెల్ను పొందాయి. ఈ ఫోన్లు Apple A18 Pro చిప్సెట్ ద్వారా శక్తిని పొందుతాయి.
Also Read: అల్ట్రా ఫస్ట్ సేల్కి వచ్చేసింది.. భారీ డిస్కౌంట్ పొందొచ్చు, కెమెరాలో తోపు అంటే ఇదేనేమో!
అలాగే iOS 18 అవుట్-ఆఫ్-ది-బాక్స్ను అమలు చేస్తాయి. ఐఫోన్ 16 ప్రో మోడల్ కెమెరా విషయానికొస్తే.. ఇవి 48 మెగాపిక్సెల్ ప్రధాన కెమెరాతో ట్రిపుల్ రియర్ కెమెరా సెటప్, కొత్త 48-మెగాపిక్సెల్ అల్ట్రావైజ్ కెమెరా, 5x ఆప్టికల్ జూమ్తో కూడిన 12 మెగాపిక్సెల్ టెలిఫోటో ‘టెట్రాప్రిజం’ పెరిస్కోప్ కెమెరాను కలిగి ఉన్నాయి. ఫోన్ ముందు భాగంలో 12 మెగాపిక్సెల్ TrueDepth కెమెరా ఉంది.
iPhone 16, iPhone 16 Plus Price
ఐఫోన్ 16 సీరీస్లోని పలు మోడళ్ల ధర విషయానికొస్తే.. ఇందులో iPhone 16 బేస్ 128GB స్టోరేజ్ వేరియంట్ రూ.79,900 నుండి ప్రారంభమవుతుంది. అదే సమయంలో iPhone 16 Plus బేస్ 128GB వేరియంట్ రూ.89,900 నుండి అందుబాటులో ఉంది. అంతేకాకుండా ఈ మోడళ్లు 256GB, 512GB స్టోరేజ్ ఆప్షన్లలో అందుబాటులో ఉన్నాయి. ఐఫోన్ 16 బ్లాక్, పింక్, టీల్, అల్ట్రామెరైన్, వైట్ కలర్ ఆప్షన్లలో అందుబాటులో ఉంది.
iPhone 16 Pro, iPhone 16 Pro Max Price
అదే సమయంలో iPhone 16 Pro బేస్ 128GB స్టోరేజ్ వేరియంట్ ధర రూ.1,19,900గా ఉంది. అలాగే iPhone 16 Pro Max మిడ్ రేంజ్ 256GB స్టోరేజ్ వేరియంట్ రూ.1,44,900 నుండి ప్రారంభమవుతుంది. వీటితో పాటు ఫోన్లను 512GB, 1TB స్టోరేజ్తో కూడా కొనుగోలు చేయవచ్చు. ప్రో మోడల్స్ బ్లాక్ టైటానియం, డెసర్ట్ టైటానియం, నేచురల్ టైటానియం, వైట్ టైటానియం కలర్లలో అందుబాటులో ఉన్నాయి.
Bank Offers
అందువల్ల ఆసక్తిగల కొనుగోలుదారులు Apple స్టోర్ నుండి కొత్త iPhone 16 లైనప్ను కొనుగోలు చేసినట్లయితే.. భారీ బ్యాంక్ డిస్కౌంట్లు కూడా పొందుతారు. అందులో American Express, Axis Bank, ICICI బ్యాంక్ కార్డ్లపై రూ.5,000 తక్షణ తగ్గింపును పొందవచ్చు. అలాగే Apple కూడా కొనుగోళ్లపై 3 లేదా 6 నెలల నో కాస్ట్ EMIని అందిస్తోంది. ఇంకా ఎక్స్ఛేంజ్ ఆఫర్ కూడా ఉంది. పాత ఫోన్ను ఎక్స్ఛేంజ్ చేయడం ద్వారా రూ.67,500 వరకు ఎక్స్ఛేంజ్ డిస్కౌంట్ పొందవచ్చు. అప్పుడు మరింత తక్కువ ధరకే కొనుక్కోవచ్చు.