Instagram : ప్రముఖ సామాజిక మాధ్యమం ఇన్స్టాగ్రామ్ మరో కొత్త సదుపాయాన్ని తన వినియోగదారులకు కల్పించింది. ముఖ్యంగా మ్యూజిక్, సాంగ్ లవర్స్కు ఉపయోగపడేలా తాజాగా స్పాటిఫైతో జత కట్టింది. ఈ రెండిటి భాగస్వామ్యంతో ఇన్ స్టా గ్రామ్లో యూజర్లకు మరో కొత్త ఫీచర్ అందుబాటులోకి వచ్చింది. ఇప్పపుడీ ఈ ఫీచర్ ప్రపంచ వ్యాప్తంగా అందుబాటులో ఉంది.
ఈ కొత్త ఫీచర్ ద్వారా ఇన్ స్టా యూజర్స్ తమ ఇన్ స్టాగ్రామ్ పోస్ట్లు లేదా స్టోరీల నుంచి సాంగ్స్ను లేదా మ్యూజిక్ క్లిప్ లేదా మ్యూజిక్ను డైరెక్ట్గా స్పాటిఫై ప్లే జాబితాకు సింగిల్ ట్యాప్లో యాడ్ చేసుకోవచ్చు. ఇంకా చెప్పాలంటే స్పాటి ఫైలో సేవ్ చేసుకోవచ్చు. అలాగే, స్పాటిఫై ప్లే లిస్ట్లోని పాటలను ఇన్ స్టా స్టోరీలకు యాడ్ చేసుకోవచ్చు. ఇన్ స్టాగ్రామ్, స్పాటిఫై వినియోగదారులకు మరింత ఇంటరాక్టివ్ అనుభవం అందించడమే లక్ష్యంగా ఈ ఫీచర్ను తీసుకొచ్చారు.
ముందుగా అప్డేట్ చేయాలి – ఈ కొత్త ఫీచర్ను ఉపయోగించాలంటే ఇన్ స్టాగ్రామ్, స్పాటి ఫై యూజర్లు ముందుగా తమ స్మార్ట్ ఫోన్స్లోని ఈ రెండు యాప్స్ను తాజా వెర్షన్లోకి అప్డేట్ చేసుకోవాలి. అప్పుడు ఇన్ స్టాగ్రామ్ యూజర్స్ సాంగ్స్ను నేరుగా స్పాటిఫై ట్రాక్స్, ఆల్బమ్స్, లైక్డ్ సాంగ్స్ లేదా ప్లే లిస్ట్ లైబ్రరీలో ఎంచక్కా సేవ్ చేసుకోవచ్చు.
ALSO READ : హ్యాకర్స్ కు దిమ్మతిరిగే షాక్ ఇచ్చే యూట్యూబ్ కొత్త టూల్.. ఒక్క క్లిక్ తో అకౌంట్ సేఫ్
ఉదాహరణకు ఇన్స్టా పోస్ట్లను స్క్రోల్ చేస్తూ చూసేటప్పుడు లేదా ఇన్ స్టా స్టోరీస్లో ఏదైనా పాట నచ్చితే, దాన్ని స్పాటిఫైలో ప్రత్యేకంగా సెర్చ్ చేయకుండా, సింపుల్గా ఆ స్టోరీలో ఇంటిగ్రేట్ అయి ఉన్న ‘ప్లే లిస్ట్కు జోడించు’ బటన్ పై క్లిక్ చేస్తే చాలు. ఆ సాంగ్ తమ స్పాటిఫై ప్లే లిస్ట్ లో యాడ్ అవుతుంది. ఇంకా ఆ సాంగ్ను ప్లే లిస్ట్కు యాడ్ చేసే ముందు వినియోగదారులు ఆ ట్రాక్ను ప్రివ్యూ చేసే వీలు కూడా ఉంటుంది.
ఇన్ స్టా గ్రామ్కు స్పాటిఫైని ఎలా కనెక్ట్ చేయాలంటే? – ఈ కొత్త సదుపాయాన్ని ఉపయోగించుకోవాలంటే, యూజర్స్ ముందుగా తమ స్పాటిఫై ఖాతాను ఇన్ స్టాగ్రామ్కు కనెక్ట్ చేయాల్సి ఉంటుంది.
స్టెప్ 1 – ముందుగా ఇన్ స్టాగ్రామ్లో నచ్చిన పోస్ట్లోని సాంగ్ను ట్యాప్ చేయాలి.
స్టెప్ 2 – టాప్లో ఉన్న స్పాటి ఫై బట్న్కు ట్యాప్ చేసిన దాన్ని యాడ్ చేయాలి.
స్టెప్ 3 – అప్పుడు మీ అకౌంట్ను స్పాటి ఫైతో లింక్ చేయమా అని ఇన్ స్టా అడుగుతుంది. అప్పుడు స్పాటి ఫై బటన్ లింక్ను ట్యాప్ చేయాలి.
స్టెప్ 4 – కంటిన్యూ బటన్ ప్రెస్ చేయాలి.
స్టెప్ 5 – అప్పుడు స్పాటి ఫై మెయిల్, పాస్వర్డ్ను యాడ్ చేయాలి. లేదంటే గూగుల్, ఫేస్బుక్, యాపిల్ అకౌంట్తో లాగిన్ అవ్వాలి.
స్టెప్ 6 – అప్పుడు ప్రాసెస్ పూర్తి అవుతుంది.
ఫైనల్గా ఈ కొత్త సదుపాయం ఐఓఎస్ , అండ్రాయిడ్ రెండింటిలోనూ అందుబాటులో ఉంది.