How To Check New IPhone Is Real Or Fake : మార్కెట్లోకి ఎన్ని బ్రాండెడ్ స్మార్ట్ ఫోన్లు వచ్చినా ఐఫోన్కు ఉండే ప్రత్యేకతే వేరు. ఎందుకంటే ఈ యాపిల్ ఫోన్లకు సెక్యురిటీతో కలిగిన టాప్ టైర్ ఫీచర్స్, స్పెసిఫికేషన్స్తో ఉండటంతో పాటు దీన్ని చాలా మంది ఓ స్టేటస్ సింబల్గా భావిస్తారు. అందుకే ఈ ఐఫోన్లకు ఎప్పుడూ హై డిమాండ్ ఉంటుంది. మరి ఈ ఐఫోన్లను యాపిల్ స్టోర్ల నుంచి, యాపిల్ వైబ్ సైట్ల నుంచి కొనుగోలు చేస్తే ఎటువంటి సమస్య ఉండదు కానీ థర్డ్ పార్టీ ఈ కామర్స్ వెబ్సైట్ల నుంచి కొనుగోలు చేయడం వల్ల ఒక్కోసారి సమస్య ఎదురవ్వొచ్చు. అవి నిజమైన ఐఫోన్లా.. లేదా నకిలీవా అనేది చెప్పలేం. ఇంకా చెప్పాలంటే నకిలీ వాటినీ కనిపెట్టడం కూడా కష్టమే. పైగా మన దగ్గర ఉన్న ఐఫోన్కు రిపేర్ ఏమైనా వచ్చినప్పుడు కూడా దాన్ని ఐఫోన్ సర్వీస్ సెంటర్లకు ఇస్తే సరికానీ ఇతర చోట్ల ఇస్తే తిరిగి మన ఒరిజినల్ ఐఫోన్ మన చేతికి వస్తుందనే గ్యారంటీ లేదు. అందులో పార్ట్స్ను మార్చేసి కస్టమర్లకు తిరిగి ఇచ్చేస్తుంటారు.
ప్రస్తుతం ఫెస్టివల్ సేల్స్ కొనసాగుతున్నాయి. పైగా రీసెంట్గానే ఐఫోన్ 16 సిరీస్ను విడుదల చేసింది యాపిల్. ఈ నేపథ్యంలో ఐఫోన్ 15, 13 సహా పలు మోడళ్లపై భారీ డిస్కౌంట్లను ప్రకటించింది. దీంతో కొనుగోలు చేసేవారు ఎక్కువగా ఉంటారు. కాబట్టి ఈ సందర్భాన్ని ఉపయోగించుకుని మోసగాళ్లు నకిలీ విక్రయాలకు తెరలేపుతారు. అందుకే ఈ ఫెస్టివల్ సేల్లో ఆన్లైన్, ఆఫ్లైన్ మార్కెట్లలో నకిలి ఫోన్ల సమస్య ఎక్కువగా ఉంటుంది. కాబట్టి మరి మీరు కొత్తది కొన్నా, రిఫర్బిష్డ్ది కొనుగోలు చేసినా? అది ఒరిజినలా? లేదా నకిలా? కనిపెట్టడం ఎలా? అనేది ప్రస్తుతం కథనంలోకి వెళ్లి తెలుసుకుందాం..
ముందుగా ప్యాకేజింగ్, యాక్సెసరీస్ చెక్ – ఐఫోన్ ప్రామాణికతను నిర్థారించుకోవడానికి ముందుగా ప్యాకేజింగ్, యాక్సెసరీస్ను క్షుణ్ణంగా పరిశీలించాయి. యాపిల్ ప్యాకేజింగ్ విషయంలోనూ ఎంతో ఖచితత్త్వంతో ఉంటుంది. ప్రతి యాక్సెసరీపై దాని వివరాలను కచ్చితంగా, డీటెయిల్డ్గా పొందుపరుస్తుంది. ఒరిజినల్ iPhone బాక్స్లు ధృడంగా ఉంటాయి. వీటిపై హై క్వాలిటీ ఉన్న చిత్రాలతో డీటెయిల్డ్ సమాచారం ఉంటుంది. బాక్స్లో ఉన్న యాక్సెసరీస్లో కేబుల్ Apple స్టాండర్డ్కు తగ్గట్టుగా మ్యాచ్ అవ్వాలి. ఒకవేళ పూర్ క్వాలిటీ ప్రింటింగ్, లూస్ ప్యాకేజింగ్, యాక్సెసరీస్లో ఏదైనా తేడాగా అనిపిస్తే అది కచ్చితంగా నకిలీది అని నిర్థారణకు రావాలి.
సీరియల్ నెంబర్, ఐఎమ్ఈఐ వెరీఫై – ప్రతి స్మార్ట్ ఫోన్కు ఉన్నట్టే ఐఫోన్కు కూడా యూనిక్ సీరియల్ నెంబర్, ఇంటర్నేషనల్ మొబైల్ ఈక్విప్మెంట్(ఐఎమ్ఈఐ) నెంబర్ ఉంటుంది. ఈ సీరియల్ నెంబర్ను సెట్టింగ్ – జనరల్ – అబౌట్లోకి వెళ్లి చూడాలి. అప్పుడు విజిట్ యాపిల్స్ చెక్ కవరేజ్ పేజ్లోకి వెళ్లి సీరియల్ నెంబర్ను ఎంటర్ చేయాలి. ఒకవేళ మీ ఐఫోన్ డివైస్ ఒరిజినల్ అయితే వెబ్సైట్ మీ ఐఫోన్ మోడల్ డీటెయిల్స్, వారంటీ స్టేటస్, ఇతర సమాచారాన్ని చూపిస్తుంది. *#06# కు డయల్ చేస్తే ఐఎమ్ఈఐ నెంబర్ చూపిస్తుంది. అప్పుడు ఆ నెంబర్ను బాక్స్, సిమ్ ట్రేపై ఉన్న ఐఎమ్ఈఐ నెంబర్కు మ్యాచ్ అవ్వాలి. అలా అవ్వకపోతే మీ ఐఫోన్ నకిలీ అని నిర్థారణకు రావొచ్చు.
ALSO READ : వాట్సాప్ ప్రియులకు కిక్ ఇచ్చే అప్డేట్.. కొత్తగా ఈ 3 ఫీచర్స్
ఐపోన్ బుల్డ్ క్వాలిటీ – యాపిల్ ఐఫోన్స్ అంటే ప్రీమియమ్తో పాటు బలంగా ఉంటాయన్న సంగతి తెలిసిందే. కింద పడినా డ్యామేజ్ అవ్వవు. అంత బలంగా వీటిని తయారు చేస్తారు. జెన్యూన్ ఐఫోన్ను అరచేతిలోకి తీసుకుంటే సాలిడ్గా, బలంగా ఉండి, ఎటువంటి లూజ్ గ్యాప్స్, పార్ట్స్ లేకుండా ఉంటుంది. బటన్స్ కూడా క్లిక్ చేయడానికి కంఫర్ట్గా ఉంటాయి. వెనకవైపు ఉన్న యాపిల్ లోగో కూడా పర్ఫెక్ట్గా, తాకగానే స్మూత్ టచ్ ఉండేలా ఉంటుంది. మొత్తంగా ఓవరాల్ డిజైన్, దాని ఫిజికల్ ఫీచర్స్ టచ్ చేయగానే దాదాపుగా అర్థమవుతుంది. అలానే స్క్రీన్ సైజ్, డిస్ ప్లే క్వాలిటీ, బరువు, ఫోన్ మందం స్పెసిఫికేషన్స్కు మ్యాచ్ అవ్వాలి. ఇంకా సిమ్ ట్రేను రిమూవ్ చేసి స్లాట్ను చెక్ చేసుకోవాలి. అదే నకిలీ వాటిని బాగా క్షుణ్ణంగా పరిశీలిస్తే రఫ్ ఎడ్జెస్ ఉంటాయి. డిజైన్లో కూాడా లైట్గా తేడాగా అనిపిస్తుంది. లోగో, లూస్ బటన్స్ కనిపిస్తాయి. ఎంతో క్షుణ్ణంగా పరిశీలిస్తే కానీ వీటిని కనిపెట్టలేమని గుర్తుపెట్టుకోవాలి.
సాఫ్ట్వేర్, ఫీచర్స్ చెక్ – ఫేక్ ఐఫోన్ ను దాని సాఫ్ట్వేర్ ద్వారా కనిపెట్టొచ్చు. ఒరిజినల్ ఐఫోన్.. యాపిల్ ఐఓఎస్ తో నడుస్తాయి. దీనిని సెట్టింగ్స్ – జనరల్లోకి వెళ్లి సాఫ్ట్వేర్ అప్డేట్లోకి వెళ్లి చూడాలి. అప్పుడు లేటెస్ట్ వెర్షన్ ఐఓఎస్ రన్నింగ్ అవుతుంటే అది ఒరిజినల్. లేదంటే అది ఫేక్ అని అర్థం చేసుకోవాలి. అలానే పవర్ బటన్ పట్టుకుని సిరీని వినియోగించినప్పుడు సిరీ యాక్టివేట్ కాకపోయినా అది నకిలీ అని తెలుసుకోవచ్చు. ఫైనల్ గా పైన చెప్పినవాటిలో ఏ ఒక్కటి కూడా తేడాగా అనిపించినా వెంటనే యాపిల్ సర్వీస్ సెంటర్ ను సంప్రదించాలి. అక్కడి ఎక్స్పర్ట్స్ చెక్ చేసి మీ ఐఫోన్ 100శాతం జెన్యూనా కాదా అనేది స్పష్టత ఇస్తారు.