Ghost Fish : మనుషులు జీవించే భూమిపైనే ఇంకా ఎన్నో ఇతర జీవరాశులు కూడా జీవిస్తుంటాయి. కానీ వాటిలో మనకు తెలిసినవి కొన్ని మాత్రమే. కొన్ని జంతువుల గురించి విన్నా, చూసినా.. కొంతమంది ఇప్పటికీ ఆశ్చర్యపోవడానికి కారణం ఇదే. అలాంటి వాటిలో ఒకటి ఘోస్ట్ ఫిష్. మామూలుగా ఈ చేపను చూస్తే.. అసలు దీనికి చర్మం ఉందా అన్నట్టుగా అనిపిస్తుంది. కానీ ఆ చర్మంపై లైట్ వేసి చూస్తే.. రెయిన్బో లాగా కలర్ఫుల్గా కనిపిస్తుంది. అసలు అలా ఎలా జరుగుతుంది అనే విషయంపై శాస్త్రవేత్తలు పరిశోధనలు చేపట్టారు.
ఘోస్ట్ ఫిష్ అనేది ఎక్కువగా థాయ్లాండ్లో కనిపిస్తుంది. ఇది సముద్రాల్లో జీవించే చేపల జాతికి చెందినది కాదు. ఇది ఒక అక్వేరియం ఫిష్. అయితే చూడడానికి ట్రాన్స్పరెంట్గా ఉండే ఈ చేప చర్మంపై లైట్ వేస్తే.. అంత గ్లో ఎలా వస్తుంది అని తెలుసుకునే ప్రయత్నంలో శాస్త్రవేత్తలు సక్సెస్ అయ్యారు. ఆ గ్లో అనేది చేప లోపల నుండి వస్తుందని వారు గుర్తించారు. మామూలుగా ఆ చేప చర్మంపై లైట్ వేసినప్పుడు అది చేపలోని ఒక చిన్న మజిల్పై పడి తిరిగి కలర్ఫుల్ స్పెక్ట్రమ్ను బయటికి విడుదల చేస్తుంది.
మామూలుగా ఈ ఘోస్ట్ ఫిష్లను ఘోస్ట్ క్యాట్ఫిష్, గ్లాస్ క్యాట్ఫిష్ అని కూడా అంటారు. ఇవి థాయ్ల్యాండ్లోని చిన్న చిన్న నదులలో ఎక్కువగా కనిపిస్తాయి. అయితే ఈ చేపకు ఉన్న ప్రత్యేకత వల్ల దీనికి అక్వేరియం ఫిష్ అని పేరుపెట్టి కమర్షియల్ మార్కెట్లో విక్రయించడం మొదలుపెట్టారు. ఇప్పటివరకు ఒక ప్రాణిపై లైట్ వేస్తే.. అది తిరిగి కలర్ఫుల్గా ప్రతిబింబించడం అనేది కొన్నిసార్లు జరిగింది. కానీ చేప జాతిలో ఇలాంటిది జరగడం ఇదే మొదటిసారని శాస్త్రవేత్తలు బయటపెట్టారు.
హమ్మింగ్ బర్డ్ రెక్కలు, బటర్ఫ్లై రెక్కలపై కూడా లైట్ వేస్తే.. ఇలాంటి ఒక కలర్ఫుల్ స్పెక్ట్రమ్ కనిపిస్తుందని శాస్త్రవేత్తలు చెప్తున్నారు. వాటిలాగా ఘోస్ట్ ఫిష్లో స్కేల్స్ లేకపోయినా.. ఈ రిఫ్లెక్షన్ రావడం అనేది ఆశ్చర్యాన్ని కలిగిస్తుందన్నారు. ఇక అక్వేరియం స్టోర్లో ఈ ఫిష్ను చూసి ఇంప్రెస్ అయిన శాస్త్రవేత్త చేసిన పరిశోధనల్లో ఈ విషయాలన్నీ బయటపడ్డాయి. స్కేల్స్ లేకపోయినా కూడా వాటిలో ఉండే మజిల్స్ వల్లే ఈ కలర్ఫుల్ స్పెక్ట్రమ్ బయటపడుతుందన్న విషయం తెలిసింది.
Share
Bandi Sanjay : సిట్ వద్దు.. సిట్టింగ్ జడ్డితో విచారణ జరపండి: బండి సంజయ్..
Gold Slipper : ఆ చెప్పులు చాలా కాస్ట్లీ గురూ..! రేటు రూ.69.40 లక్షలు.. ఎందుకో తెలుసా..?
