Flipkart Big Billion Days Sale 2024 : ఆన్‌లైన్‌లో షాపింగ్ చేసేవారిని ఆకట్టుకునేందుకు ప్రముఖ ఈ-కామర్స్ ప్లాట్ ఫార్మ్ ఫ్లిప్‌కార్ట్‌ ఎప్పటికప్పుడు కొత్త కొత్త ఆఫర్లు ప్రకటిస్తుంది. భారీ డిస్కౌంట్లు అందించి అందరి దృష్టిని తనవైపుకు తిప్పుకుంటుంది. కొత్త కొత్త సేల్స్ అందుబాటులోకి తీసుకొచ్చి అనేక ప్రొడక్టులపై డిస్కౌంట్లు అందిస్తుంది. ఇప్పటికే ఎన్నో రకాల పేర్లతో సేల్ ప్రకటించిన ఫ్లిప్‌కార్ట్ ఇప్పుడు మరొక అద్భుతమైన డీల్‌ను తమ కస్టమర్లకు అందించేందుకు సిద్ధమైంది. అదే ‘ఫ్లిప్‌కార్ట్ బిగ్ బిలియన్ డేస్ సేల్ 2024’ (Flipkart Big Billion Days 2024 Sale). ఫ్లిప్‌కార్ట్ నిర్వహిస్తున్న అతిపెద్ద షాపింగ్ ఫెస్టివల్స్‌లో బిగ్ బిలియన్ డేస్ సేల్ ఒకటి.

ఈ సేల్ ముందుగా ఈ నెల అంటే సెప్టెంబర్ 30న అందుబాటులోకి వస్తుందని.. అంతకంటే ముందు ప్లస్ సభ్యులకు సెప్టెంబర్ 29 నుండి ఈ సేల్ ప్రారంభం అవుతుందని ఇటీవల గూగుల్ లిస్టింగ్ వెల్లడించింది. అయితే ఇప్పుడు ఆ తేదీ మారిపోయింది. ఫ్లిప్‌కార్ట్ తాజాగా ఈ సేల్ తేదీని వెల్లడించింది. ఫ్లిప్‌కార్ట్ బిగ్ బిలియన్ డేస్ సేల్ సెప్టెంబర్ 27 నుండి ప్రారంభమవుతుందని తెలిపింది. అంతేకాకుండా ప్లస్ సభ్యుల కోసం సెప్టెంబర్ 26 నుండి ప్రత్యక్ష ప్రసారం చేయబడుతుందని తెలుపుతూ ఒక కొత్త పోస్టర్ విడుదల చేసింది.

ఈ సేల్‌లో ఇ-కామర్స్ ప్లాట్‌ఫాం ఫ్లిప్‌కార్ట్ కొన్ని కీలక ఆఫర్‌లను కూడా వెల్లడించింది. ఈ ఏడాది పండుగ సేల్‌లో ఉత్పత్తులపై 85 శాతం వరకు తగ్గింపు ఉంటుందని ఫ్లిప్‌కార్ట్ పేర్కొంది. ప్రతి సంవత్సరం కంపెనీ స్మార్ట్‌ఫోన్‌లు, టాబ్లెట్‌లు, ల్యాప్‌టాప్‌లు, టీవీలు, ఎయిర్ కండిషనర్లు, ఇతర గృహోపకరణాల వంటి ప్రొడక్టులపై బిగ్ బిలియన్ డేస్‌లో భారీ తగ్గింపు డీల్స్ అందజేస్తుంది.

Also Read: ఆఫర్ల జాతర వచ్చేస్తుంది.. ఫ్లిప్‌కార్ట్ న్యూ సేల్, తగ్గేదే లే..!

ఫ్లిప్‌కార్ట్ బిగ్ బిలియన్ డేస్ సేల్ సెప్టెంబర్ 27న ప్రారంభమవుతుంది. సెప్టెంబర్ 26 నుండి కంపెనీ తన ప్లస్ సభ్యుల కోసం ముందస్తు యాక్సెస్‌ను ప్రారంభించబోతోంది. ప్రస్తుతానికి, సేల్ ఎప్పుడు ముగుస్తుందనే సమాచారం ఇవ్వలేదు. అయితే సేల్ సమయంలో లభించే ప్రధాన ఆఫర్‌లను వెల్లడించింది. ప్రతి సంవత్సరం లాగానే ఈ సంవత్సరం కూడా ధర తగ్గింపుతో పాటు, బ్యాంక్ ఆఫర్లు, ఎక్స్ఛేంజ్ ఆఫర్లు, నో-కాస్ట్ EMI వంటి ఆఫర్లు అందుబాటులో ఉంటాయని భావిస్తున్నారు.

ఫ్లిప్‌కార్ట్ బిగ్ బిలియన్ డేస్ కోసం ప్రత్యేక మైక్రోసైట్‌ను ప్రారంభించింది. ఇందులో ప్రారంభ తేదీతో పాటు ఆఫర్‌ల గురించిన సమాచారం ఉంటుంది. ఈ సంవత్సరం సేల్ కోసం ఇ-కామర్స్ ప్లాట్‌ఫారమ్ ఫ్లిప్‌కార్ట్ HDFC బ్యాంక్‌తో భాగస్వామ్యం కలిగి ఉంది. అంటే కస్టమర్‌లు ఈ బ్యాంకు డెబిట్ లేదా క్రెడిట్ కార్డ్‌ల ద్వారా చెల్లించినట్లయితే వారు తగ్గింపు లేదా క్యాష్‌బ్యాక్ పొందుతారు. కస్టమర్లకు ఫ్లిప్‌కార్ట్ పే లేటర్ సౌకర్యం కూడా ఉంటుంది. ఇది కాకుండా నో-కాస్ట్ EMI, బెస్ట్ ఎక్స్ఛేంజ్ రేట్లు కూడా అందుబాటులో ఉంటాయి. ఫ్లిప్‌కార్ట్ యాక్సిస్ బ్యాంక్ క్రెడిట్ కార్డ్ ద్వారా క్యాష్‌బ్యాక్ పొందే అవకాశం కూడా ఉంది.

ఈ డీల్స్‌లో ఎలక్ట్రానిక్స్, సంబంధిత యాక్ససరీలపై 50-80 శాతం తగ్గింపు ఉంటుంది. టాబ్లెట్‌లపై 70 శాతం వరకు తగ్గింపు పొందొచ్చు. టీవీలు, ఇతర యాక్ససరీలపై 80 శాతం వరకు తగ్గింపు ఉంటుంది. 4K టీవీలు, రిఫ్రిజిరేటర్‌లపై గరిష్టంగా 75 శాతం తగ్గింపు క్లెయిమ్ చేయబడుతుంది. వాషింగ్ మెషీన్లు, ACలు, ప్రింటర్లు, మొబైల్ కవర్లు, స్క్రీన్ గార్డ్‌లపై కూడా మంచి డీల్‌లను పొందవచ్చు. ఇది మాత్రమే కాదు ఫర్నీచర్, గృహ ఉపకరణాలపై 85 శాతం వరకు తగ్గింపు ఉంటుంది. ఇందులో పరుపులు, హోమ్ ఆఫీస్ పరికరాలు మరిన్ని ఉంటాయి.

Share

• 
• 
• 
• 
• 
•